chrefftig gsechiz ja scho uhs

si segid chliih und gedrunge

aber sicher rächt schnäll

und fescht zuepacke chönntiz sicher

si händ ja ganz grohssi primitihfi Händ

Händ mit föif Finger i einere Reie oni Tuhme

mittere sone Hand chönntiz sicher

au eine am Chrage phacke und würrge

und ziäh es gsechi ja fascht soh uhs

we wänn diä zwei Chöpf i de Mitti

wo waagrächt liggid Chöpf segid vo zweine

wo phackt worde segid und jezzt ufeglupft

wärdid und we Hüener langi Häls überchömid

jah es sind dah zwei vewütscht worde

eidühtig isches dah zweine schlächt ergange

meh dur Zuefall schihnis imm

soh gliichgültig glozzid diä drej Chöpf

 wär chunnt öis gliich

wär kännt Pülinimonntraschät   

 

was sih mues

mues sih

 

 

wäner nume wüssti wahs vonene zerwahrte währ

schüzzez eim oder schüzzez eim nihd

schtönz eifach dah und glozzez

und verschtönz nüht

oder wettez gärn hälffe und chönzzes nihd

wührez hälffe wänns hälffe chönntid

ähr glaubi nihd dassi hälffe wührid

si gsechid nämmli echli beschränkt uhs

und verstöchid vilicht gahr nihd umwases gaht

und wemm si hälffe mösstid

vilicht wührez de Faltsche hälffe

si gsechid uhs we wännsi im ärnschtfall

wührid de Faltsche hälffe

 

Sinttas

Forrme

er segi ja dah

heber gseit

aber sih hebi gseit

ähr tühschi sihch

wännähr glaubi

ähr segi dah

ähr segi nämmli nittah

ähr segi niähdah

 

 

d Meerwärttschtühr

segi öppis vom Wunderbahrschte

wo de Schtaht jeh erfunde hebi

es segi e Schtühr wo unsichtbahr segi

wo niämert märki es zalid aber immer ali

und de Schtaht cha sihch debih de Ahschih gäh

als währer sozziahl und gerächt und grohsszügig

er verteilt a tuusig Orte mit vill Uhfwand Gält

und gitt allne es guez Gfühl s Tümmscht passiärt

und niämert märkz mer fröit sich a de vile Appzühg

und Zueschlähg und Bihträhg und Bihhilffe und Darlehe

und Mahlziite soh segis i demm Land woner doch

imm allgemeine als Wältwunder erchlähri sowiiht

hebidmers prahcht aber es segi nanig soh schlimm

wiä a anderne Ohrte es gebi nur en Satz vo

föif oder sächs Prozzänt das segi na heilig

i de ummligende Länder beträhgi

d Meerwärttschtühr öppe

zwänzzg Prozäntt es

segi im nid klahr

we diä Lüht deht

dahs uhshaltid