häsch du es Öhrli
es chliises Öhrli
womer tuet lose demit 

d Vorsokratiker regid inn uhf
d Sokratiker regid inn au uhf
d Platoniker regid inn uhf
d Chilevätter regid inn uhf
untt Scholastiker au
de Schopehauer regi inn uhf
inn regid eigenttli ali uhf
er  welis gar nid uhfzelä
es lohni sich nihd

wär hätt dir
das ihgrichtet
wer zallt das

 

är ringi
umm iri
Seel

ssettäh rien
ssettäh ridiggühl
ssettäh degölas
ill foh ggö
tü tö schansch

verlasse
de funkenamboss
und chaltt
aber nid vergässe 

 

 

wämers echli

anderscht

wühr ahordne

währs schöhn

er chönnti hütt
niämahlsme schtudiäre
er segi froh dasimdahs
nünnzäviäresächzg
glunge segi
nünnzäviäresächzg
bis nünnzäsibänesächzg
er wüssi nüme gnau
waser i dere Ziht
gmacht hebi

 

 

ganzzunnheimlich
ganzzummöglich
ganzschauderhafft

isch ächt diä scho gschtorbe
wo so luut gsi isch
luuter als de hardrock
wosi laufelah hätt
isch ächt d Frau no-es-possible
schon gschtorbe
odder d Frau no-para-mi
odder d Frau biänsür
erinneret sich vilicht na eini a mich   

 

er hätt gmeint
surrealistiggpillou
segi a rockbänd
woner nid käni

 

 

somm nuh fu

wui nuh somm fu

tottallman

aber ähr nihd

ähr segi na normahl

ähr segi de einnzig

wonanormahl segi

ähr hallti drah fescht

harttnäckig

 

allerings

rede chöni mer mit niämärtem

abers rede segi ja au nid so wichtig

s Rede überlösi mer andere Nazziohne

dahs überlösimer de Tühtsche und de

Franzohse und de Ittaliener

dah gsechimer wohi s Rede füeri

inere guet funkkzionierende Wält

segi s Rede gahr nid nöhtig

s Schwige segis einzig Richtige

und sägi meischtens villmeh

gwüssi Sache chönimer ja gahr nid säge

dah fählid doch d Wohrt

und grad i dere Beziehig

segizi vilicht ganz psunders wiht

ähr wüssi vo nühtem

wases segi

aber ähr tögi soh

we wäners wüssti

unttahs langi

kohmischerwihs

chömimer soh

ganz guet

durs Läbe

er woni imene Land

wo di Frömmde niä oni en fromme Schuhder beträttid

wänns mittem Fluggzühg chömid dänn meiniz de Flughafe Chlohte

segi grad vorere Schtund i Betriib gnoh worde so suhber ischer

und so nöi und si chönz nid glaube wämer ine seit de Flughafe

segi scho zäh Jahr alt bi ine isch öppis

wo e meh als e paar Monett altt isch kabutt

und währ mittem Auto chunnt däh hätt Härzchlopfe am Zoll

i jedem Fall wirter misstrouisch ahglueget öber iezz imene

rassige Schportwage chunnt und guet ahgleit isch oder nihd

er wirt kritisch ahglueget und er fühlt sich au ganz chlih

und unnzuelänglich er gseht daser da woner härewott nid härepasst

er probiärz wenigschtens er überleizich öber ali Uhswiise hätt

öber de Impfuhswiis für de Hund hätt und ali Versicherixuhswiise

und er scheniärzich wiler grahset isch uf de Autobahn und

d Chüelerhuube vo sim Merzehdes glüeigheiss isch und au de

Merzehdesschtährn isch ja echli schiäf und hinenim Auto

machz Chind grad e Söiornig und verstöit Bröhsme jah

jede wo chunnt wirt vo Zwihfel beschliche zurächt wener glaubi

währ isch hütt nid e zwihfelhafti Erschihnig öber iezz arm isch

oder rihch er isch es zwihfelhafti Erschihnig däh Ihdruck hätt

jedä wo inechunnt ähr segi e bizzeli schtolz uf dahs Land

uf diä Sonnderexischtänz är verstöchi diä Mittbürger nihd

wo sich bi all demm nid wohl fühled oder soh tögid we wännsisich

nid wohlfühle würdid dahs segi i de meischte Fäll nid ärntscht

gmeinnt ali diä Kritikker segid ja di gröhschte Gnühsser und

gröhschte Wihtrinker und glaubid ganz fescht a iri Uhserwählig

soh segi sihs Land es gähpti na vill zsäge er chönnti

es ticks Buech schriibe drüber aber er höri iezz uhf

 

wer produziert das ales
wer produziert Chugelschriiber
wer produziert Chugelschriibermiine
wo wird das ächt härgschtellt
und wie
und wo

isch dahs am Sunntig gsih
ja, dasisch am Sunntig gsih

mei juh hähf a strong faundeischn
heber gsunge
mei juh hähf a strong faundeischn
wenn de winz ohf tscheinschis swifft

 

 

es segi schwähr

 

es segi schwähr

 

es segi schwähr

 

aber au für de Armihn Mohler und de ärnscht Jünger

 

segis schwähr gsih und für de Göhte und de Tomass Mann

 

und für de Karppoff und de Kaschparoff und de Anannd

 

schwähr segis

 

willmer niä ales wüssi

 

schwähr segis

 

willmer meischtens sogahr nurs Falsche wüssi

 

dahs womer gahr nid weli wüsse dahs wüssimer

 

mer wüssi dasmer nüht wüssi dahs wüssimer

 

s Schwährschte segi

 

dasmer nid dahs erreicht

 

womer weli erreiche

 

und är wärdi luege
dassi nüme chönid rede mittenand
är wärdi mache
das niämärttme de ander verschtöchi  

lueg diä zwei

was diä mached

lönd
gönd
tönd
mönd

schatt dahs

 

schazz

 

oder schazz nihd

 

es schatt es schatt

 

ales schatt

 

Tschuel schatt

 

Partej schatt

 

Pfernunpft schatt

 

de Feminismuss schatt

 

de Sozialismuss schatt

 

de freje Kappitahlvechehr schatt

 

de Schtaaht schatt

 

de Schwährvechehr schatt

 

Pfättere schaded

 

Pfrejheit schatt

 

s Fährnseh schatt

 

s Dänke schatt

 

d Kunscht schatt

 

d Poppmusikk schatt

 

d Luscht schatt

 

Tummheit schatt

 

d Jugettarbeit schatt

 

d Globalisiärig schatt

 

d Zrugghalltig schatt

 

de Widderschtand schatt

 

ales schatt

 

aber es segi vilicht ales nid eso schlimm

 

vilicht schadis doch nid so fescht wemer tänki

 

es göngi doch ales immerna wihter

 

wänns würkkli wühr schade dänn giengis ja nüme wihter

 

es göngi aber na wihter und soh schadis vilicht gahr nihd

 

sonder nüzzi womögli sogahr

 

au dahs womer tänki es schadi am meischte

 

nüzzi und nüzzi vilicht grad am meischte

 

imm gebi diä Frau Rähzzel uhf

er hoffi dases würkkli Rahzzel segid

es chönntid nämmli au kei Rähzzel sih

es chönnti ales eifacher sih sehr eifach sogahr

unttahs wetter nihd dases soh währ

er wetti dases Rähzzel währid grohssi Rähzzel    

er währi gärn Schuelhuusabwahrt

mittere Schuelhuusabwahrtwonig

undeme Schuelhuusabwahrtpflichteheft

er währi sicher en guete Schuelhuusabwahrt

er würdi t Schüeler nid plahge

er würdi de Weloschtänder immer im Aug bhalte

under hetti Mitleid wäneim wider s Welo gschtole worde währ

er würdi diä tröhschte wo bedroht oder appgschlage worde wärid

er würdi immer ales wo ligge blihbt is Fundbüro mittnäh

und deht ihbschlühsse damizznid öpper wägnimmt

er würdi immer ale Appfall uhfläse oni z jammere

er würdi Zigarette uhfläse untt Goggidohse

er würdi mittem Rasemäjer de Rase ufem Schportplatz mäje

und er würdi d Chind la tschutte auwänn

de Rase nanig hundertprozzänntig nahgwachse währi

er hetti au en Schuelhuusabwahrtloh

wozwahr nid sehr gross wäri aber doch guet wühr lange

er hetti au Putzfraue woner mössti ahleite

under hetti Lehrer wo reklamiäre würdid

wännt Schuelzimmer nid suhber puzzt währid

dänn wührer d Reklamazziohne at Puzzfraue wihterleite

undine säge si mösid besser puzze

und ide Früelixfärie chennter niä it Färie

willerdänn immert Früelixpuzzete hetti unz ganz Schuelhuhs

mössti gfäget und ali Feischter mösstid puzzt währde

dänn tärfti er immer Schüeler ihschtele deführ

wonen guete Loh überchähmtid und froh währid

für däh Näbbetverdiänscht er sälber mössti

vilicht gahr nid vill schaffe er mössti nurrsoh tueh

wewäner würdi schaffe und er mössti au ali andere ärnscht näh

wo soh würdid tue we wännsi würdid schaffe

 

 

er hebi sich seer uhfgregt
über e Sändig woner ghört hebi
es segi e Sändig über Pornografih gsih

es gebi es Tagebuech
woner nid chönn schribe
es wäri zu verruckt

 

was händer
scho wider

 

 

är käni wenig Lüht

 

aber diä wenige Lüht

 

wonär käni gnüegid imm

 

si gebid imm es vollkommnix

 

Bild vo de Wältt diä iezzige

 

Zueschtänd ligid klahr vor imm

 

und au was d Zuekunfft beträffi

 

segi ales klahr mer mösi gahr nid

 

vili Mänsche käne mer tärfi nid

 

meine mer wüssi nüht

 

ein Mänsch langi

 

är wüssi schoh

 

werumm si so hipperacktihf segid

 

es segi nid eifach lähri Acktifitäht

wemer vilicht chönnti meine reine Lährlauf

 

es göngi um öppis

 

es göngi drumm das ali abhängig blihbid

 

es göngi um Macht und um Härrschafft

 

und drumm luegiz immer schöhn das niämärt zvill Freiheitt hebi

 

si welid immer für ales zueschtändig sih und es tärfi nüht gäh

 

oder fascht nüht wo eine öppis oni Uhfsicht macht

 

am Beschte segis wänn immer ali umsi umehockid

 

und schöhn brahv wartid bissi öppis zueteilt überchömed

 

öppis z bihsse oder irgende Zuelahg oder en Guetschih

 

mer muesene immer au echli Angscht mache

 

susch bliibez nid schtill mer muesene

 

säge dassi vom Tühfel ghollt wärded

 

wännsi sich nid at Gsezz und at

 

Verornige halted mer muesene

 

au säge dases e Globalisiärig gitt

 

und dasmer wäge dere Globalisiärig ganz

 

psunders mues zuelose und ganz psunders

 

mues folge und schtile sih es segi

 

dahs ales ganz eifach es segi scho

 

lang soh es segi sitt öppe zwei

 

Milliohne Jahre soh

währ zaltt ine ächt de Uhfenthaltt

 

währ zaltt ine s Bileht fahrezi erschti Klass

 

si fahred sicher erschti Klass aber

 

s wirtt ene sicher nüht rächt sih

 

si währded sicher öppis finde

 

wos chönd veruckt wärde und

 

wos chönd beleidiget sih

 

aber ich wozzja nid verurrteile

 

es sind ja ali soh

 

auch ihch bin esoh genau soh

 

au ihch cha doch nid widerschtah

 

wänses Büfeh gitt

 

ich schtell mi immer anen Ohrt

 

womer guet cha zuegrihffe und eim niämärt in Wähg chunnt

 

irgendwoh imene Egge und es macht mer nüht wänni kei Kontakkt ha

 

und wäni nid ines Gschprähch inezoge wirde wämer nämmli

 

is Gschprähch chunnt dänn isches unnahschtändig wämer sich wider

 

umdräit und sich öppis ineschoppet wämer is Gschpräch chunnt

 

dänn chunnt mer meischtens mit öpperem is Gschprähch

 

wo nipfill isst und wo überglücklich isch dasser eim

 

chan sini Läbesgschicht verzelle ich bi dah scho mitt

 

uhsgschproche kohmische Lüht i Kontakkt choh

er schoni si nüme

 

er schoni niämärttme

 

er retti niämärtme

 

er schüzzi nüme

 

er hälfi nüme

 

er göngi wägg

 

er hebi gnueg

 

ess langi imm

 

er weli nühtme

 

mittene ztue hah

 

währ schtärbe weli

 

däh seli schtährbe

 

währ verrchoh weli

 

däh seli verrchooh

 

und vo dene wo fohrig bliibid

 

seli de einti de ander frässe

 

iezzt sitzt er immerna deht
was macht er ächt
wohär chunnt er ächt
wo wonnt er ächt
es isch unerfindlich
und immerau es bizzeli unheimlich
und beängschtigend und fascht bedrohlich
es gfallt öis nihd
wänn eine eifach so dasitzt und nüht tuet
es gfallt öis aber au nid
wänn eine znacht am Zäni na
mitteme Auto umefahrt
es fahred
znacht am Zäni
na Millione ume

abintegro
naschiturordo
hättersich
nottiert

zum Glück
isch si a dem Abig na umgheit
und häzzich de Fues verstucht
und hätt nid chöne cho
zum Nachtässe im Hotel Montana
so häzz Hotel gheisse
es hätt deht verruckti Hotel gäh
eis hätt gheisse Oloffsohn
und eis Ellrantscho

 

im Grund gnoh
mösstimer sonen Ahlass
schtöhre dur e refoluzzionäri Akkziohn
aber es segi wiht und breit niämärt dah
wo au nur im entfärntischte i de Lahg währ dezue
und so findid ebä ali diä Ahlass schtatt
und soh wärdid ali diä Ahlass immer stattfinde
und es wärdi höchschtens eine gäh debih
wo tänki mer mössti sonen Ahlass schtöhre

Xamtpilanz fali

turchuntturch

nidderschmätternd uhs.

Das Buech segi eis einzix Ärgernis

wills gäge elementtahri Regle

vomm wüsseschaftliche Arbeite verschtossi

Es dieni nittä Sälbschtuhfklärig

vode Gsellschaft

 

und am Rand

sizzed immer Ussesihter

wo nid integriärt sind und mönd uhfpasse

dassi nid pisse wärded oder gchrazzet

diä Ussesihter nützid niämärtem me

si settid verschwinde und segid

zum Verschwinde beschtimmt

aber si chönid sihch ja

nid eifach i Lufft uhflöhse

si läbid ebä nachli und segid dah

hühfig sinz ahgschlage und chrank und scho halbe tohd

aber mängmahl tänkiz auna vill und schwäzzid und gebid
Kommentahre app was i de meischte Fäll nattürli überflüssig isch
und schedlich und ali nur uhfreggt

Sisch überzühgend

Wassi seit

Äwänn nüht nöis derbih isch

Genau

Tidee wäri

mittere wiiterzschaffe

s schiist mi nid ah

Und dir geitz guet

Was gsesch nüme

Guet

I lühtere dänn na schnäll ah

Da häsch zwei drü Schtund Fröid drah

nachär ischs im Chäller

Vo demm här gseh

Iezz hani auna am Tomass gschribä

 

tü woa

leh schan oschuhrdui

psischikmen ilson gomm desanfan

ill grroa o Sänntniggola

e a deh Märchen

ill vöhl ggon löhr raggont

lö Rotkäppchen u lö Hänsel und Gretel

u la Mutterschaftsversicherung

tu woa perrsson woa ssa

mer mösi
uf jedä Fall
immer gfasst sih

ufen Egglah

Schweig!

und Zuhören

wenn ich etwas sage!

si sägi zu alem nei

mängmahl ghöri är

zwänzg Mahl am Tahg nei

mägmahl au grad mehreri nei hinderenand

nei nei nei

so tönis dänn

deht dure

häzzi gseit

nach links

deht dure

iezz deht dure

iezz nach links

muesch de Blinker schtelle

häsch de Blinker gschtellt

 

mer weiss niä

wämmer fahrt

womer isch

mer weiss niä

wännen Ohrt afangt

odder uhf hört

es gseht ales

gliich uhs

es tüfs nivoh
es serestüfs nivoh

 

iezz glaubi
mömmer würkli
emal e Pause ihschalte

 

deht vorne isches Roht
iezz muesch langsamer fahre

es segi verschtänttlich

dasali amändi Närffefiäber hebid

i settige Verhelltnis mösid t Mänsche zgrundgah

settigi Zueschtänd halti de Mänsch nid uhs

somene Druck chöner nid schtandhalte

sone verchehrti Gsellschaft

chöni nur kabuttgah

ali sägid dassi

s Schlächte hassid

aber im Schtille

liäbizis

mer tärfi t Hoffnig niä uhfgäh

mer tärfi aber au niä glaube

dases besser gieng wännt Hoffnige erfüllt würdid

wämer würkklich emahl Glück hebi

wasja unnwarrschinnli segi

mösimer immer drah tänke

dasales wider chönn ändere

das ales chöni uhfhöre unnzwahr plözzli

es gebi raschi Sinneswandel

das wüsserja das heberja scho ixmahl gseh

das segi ja gwüssermahsse Kwintessänz vom Läbe

dasöppis Guez plözzli färtig segi

dahs so tänker chönntimm passiäre

daser s Guete erreichi

mit allne sine wahnwizzige Ahschträngige

dasimm aber das Guete wider entwüschi

s Guete hebi d Tändänz sehr flüchtig zsih

wäretemm s Schlächte haffti und bliibi

und nüme zvertrihbe segi 

 

für mich isches nanig färtig
für mich gahts na wiiter
mach fürschi

er göngi nur sälte is Kino und luegi na vill sältener

en Film zweimahl ah aber emahl heber en Film zweimahl

ahglueget wäge de truhrige schtille Musik wo i demm Film

vohrchoh isch und wägeme Schüeler wo i demm Film zu dere

truhrige Musik hin und härgrännt isch über änglische Rase

und dur änglischi Pärk vom Schloss zum Schtall und vom

Schtall zum Schloss und vill Uhfträhg hätt möse erfüle und

nid rächt gwüsst hätt werum mer imm ali diä Uhfträhg gitt

und wäge de Szehne am ändi vomm Film wo zwei altti Lüht

imene Auto sitzed und im schtröhmende Räge nöimethih fahred

en Mah und e Frau und de Mah de Frau öppis vezellt ohni si

ahzluege ganz ruhig retter und lueget uft Rägetropfe a de

Schiibe er hebi si sis ganz Läbe lang gliäbt seit de Mah

aber hebi ire dahs niä chöne säge und niä tärfe säge nur iezz

soh schpaht wos kei Bedühtig me chöni hah dah sägers und er

segi froh dasers chöni säge er hebi s ganz Läbe lang ghofft

dases emahl en Momännt gebi woners chöni säge seiter untt

Frau sitzt schtill dah fascht we Königihn vo ängland und

mer weiss nid wassi tänkt und öb si grüert isch oder nihd

s ganze Gsetz vom mänschliche Dahsih

beschtöchi nur darin dass de Mänsch sich

immer vor öppis unermässlich Höhchem und

unermässlich Schöhnem büge chöni daser sich

immer vor öppis Unändlichem niderwärfe chöni

und rüefe chöni Gnahd Gnahd Vebahrme Vebahrme

Wämenim das unermässlich Höche und Schöhne wägnemi dänn

wärdi är nid am Läbe bliibe sondern verzwiifle und schtärbe

es gebi Ameiseschtahte

wo Pilze züchtid bis iezz segid

rund zweituhsigachthundert Ahrte bekannt

si trihbid mit denä Pilze sogahr Handel

und tuhschid si uhs mit andere Ameiseschtahte

es gebi Handel au zwüschet ganz verschidene Ahrte

und si segid au ide Lahg nöii Sortte z züchte

si chönid sihch innert chürzischter Ziit

a nöii Verhelltnis ahpasse  

 

ischderdahsklahr

neisischmernidklahr  

wisoh

isches soh

es isch esoh

wills esoh sih mues

es währ nid esoh

wänns nid esoh mössti sih

es chönnti aber au ganz anderscht sih

aber mer mönd froh sih dases nid anderscht isch

es chennti nämmli na vill schlächter sih

besser chenntis doch chuhm sih

es segi doch e oberi Gränze

erreicht es gebi settigi

oberi Gränze a villne

Ohrte im Schportt

zum Bihschpihl

au bi Gfühl

oder bim

Geischt

bim Geischt

gsechimers ja ganz

tühtli deht segi e oberi Gränze

erreicht scho sitt öppe zweihundert Jahr

oder villicht scho sitt zweituhsig Jahr oder

drühtuusig Jahr sitt de Grieche und de alte Jude segi

e oberi Gränze erreicht iezz göngis

scho lang wider bergapp häsch

ghöhrt dahs isch doch klahr

mer gsehz vo wiihtem