si verschtaht nüht
si verschtönd ali nüht
niämärt verstaht öppis

es gähpti

sicher vill Lüht

wo säge würdid

er ghöri is Irehuus

und dah di hüttige

Entscheidigsprozässe

villfach chaohtisch verlaufid

chiemi är amänd na

würkli is Irehuus

wasimm nachli zfrüeh währ

häsches Problehm

jah ich weiss nüme

wonis Auto appgschtellt han

häschen Huhtuhsschlahg

ja ich hanen Huhtuhsschlahg

häsch Problehm

ja ich han Problehm

kindisch
hättertänkt
kindisch
unttumm

oder öb sich öpper

soh verstecke chöni

dasärenn nid gsechi

und nid chönn finde

öb är ächt nid

Himel und ärde erfüli

es gebi Sache

diä chömid

und gäge diä

chöni mer nüht me mache

ich mösi ebä wahrte

bis es sowiit segi

undi nühtme chöni

degänge mache

dänn mösi nühtme

überlegge und nühtme wele

es chömi einfach

bi mihr segi dahs

i zwänzzg Jahr defall

dänn gebis di entschprächende

Schtärnkonschtellazziohn

iezz tögi si verpasse

aber i zwänzzg Jahr

hangis nüme vo mihr app

bis

dah

bis

obe

bis

une

bis

hine

bis

vornä

bis

überahl

bis

dah

drumm lupfi öi uhf

und schlühdere öi wägg
i wott öi nüme gseh
Schand händer ahghüüft
uf öi e grohssi Schand
en ehwigi Schand
wo niä wird vergässegah 

er läsi d Brüder Karamasow

als Taoischt

und als Taoischt

möser immer nur lache

als Taoischt

läser immer nur tumms Zühg

als Taoischt

chömidimm ali diä veruckte Sorge und veruckte Gschprähch

und veruckte Wuetuhsbrüch und veruckte Liäbesrasereje

vohr we Gschichte vomene frömde verlorene Schtärn

imene verfluechte Egge vonere verunnglückte Wält

er schriibi iezzdänn

es Gedicht

wonurr us de Tittle

vo ale sine Büecher

beschtöchi

was wirtt ächt

us dene vile Büecher

woner hätt

uff sine Büechergschtell

und im Chäller und im Eschtrich

deht schtönd und ligged Büecher

wo nizzo schnäll

eine oder eini hätt

niämert hätt settig Büecher

er isch elei

elei mitt sine Plejadebänd

Bibliothèque de la Pléiade

en Anttologih zum Bihschpihl

en Anttologih döla Poesih allman

tuhsigachthunderteinezwänzg Siite

oderau

Filosof konfüzionanist

tuhsigviärhundertachtesächzg Siite

si hätt geseit

si chöni chuum glaube

dass diä Frag

ernscht gemeint segi