deht ischiezz
e Schwarzi gschtande
imene lange farbige Chleid
e schmaali chliini Gschtalt
wenä Süülä
oni Bewegig
naganzjung
und nachärä Halbschtund
wonerwidder
verbihgloffenisch

Undenalti Dahme

hebis ghah

enuralti Dahme

sicher scho nünzgi

segisi gsih

diä hebi au tanzzt

das heisst si segi

nurrna dahgschtande

und hebi t Ärm bewegt

sehr fihn

sehr schön

ganz langsam

hebisi t Ärm beweggt

nurrna t Ärm

Währdujuhkeimfromm

heber grüeft

mittsiner gwaltige Schtimm

woner e paahr Lüht gseh heb

wo tanzet hebid wiä vo Tüfel bsässe

zmizzt isimm Song ine heberdahs grüeft

frommosteilia

hebiz zrugg grüeft

frommosteilia

hebi de Sänger gschtuhnet

we wänndahs naniä vorchowähr

das Lüht us Auschtralieh

a eim vosine Konzzärt tanzet hebid

wattmjusic dojuhliketohiär

heber grüeft

eisidisi

hebioz grüeft

watt, hebi de Sänger göisset, watt

eisidisi

es hebi imm fascht öppis gäh

dä ticke schwarze Mah

segi fascht hinenuse gheit

eisiihhdiihhsiiihh

dojuh riäli wannttohiär eisidisi

jeah hebiz grüeft allimittenand jeah

soh hebi de schwarz Mah grüeft

juschällhäv eisidisiih

und er hebi eifach appgwunke

und hebi de Musikker Ahwisige gäh

d Bänd hebi ihres Schtuck underbroche

si hebid d Gitare gwächslet

und d Bläser hebid e Pause gmacht

und dänn segis lohsgange

dänn hebid diädoch tatsächli eisidisi gschpillt

eisidisi

es hebi allne d Haar hinderegschtrählet

au är segi fascht ummgheit

er hebi naniä sone Wansinnsmusik ghört

eisidisi

das segi öppis Unnerhöhrz

und de schwarze Sänger hebi eisidisi gsunge

hebi aber nid alli Worrt gwüsst

sori heber gseit sori

aber das segi überhauppt käs Problehm gsih

eine vo de Auschtrahlier

segi eifach uffs Podium gschprunge

und hebis Mikrofohn gnoh

und hebi sälber gsunge

mittere Stimm

wenernid glauppt hebi

dases e Schtimm chöni gäh

enere höche Stimm

und hebi ali Worrt gwüsst

es hebi ales tobet

au di eltischte Jahrgäng hebid tobet

er sälber hebi richtig Problehm überchoh

er sälber hebi tänkt

daser naniä so öppis Wilz und Härtz

ghört hebi

es segi s Wildischte

unz Härtischt gsih

woner jeh erläppt hebi

s Verrücktischt

s Gröhschti 

Es hebi nanie Geischt gäh

uf dere Ärde

t Mänsche tühschid sich

wännsi glaubid

dahs wassi hebid

segi Geischt

si wärid woll am wöhlschte

in Schanghei wännsi chönntid

mit sächzä Milliohne Lüht

i einere Schtatt wone

dänn wärs ine wohl

inere Gloubahl Sitti

ahgschlosse amm Dahte Haiwej

läbe inere Schtatt wo ali schpined

dahs wettiz deht würdiz nid uhffalle

dah ide Schwiiz fallizi nattürli na uhf

und erschtna zimmli unnahgnehm

zweituusig Hochhühser gebis in Schanghei

und si segid bis zu drejhundertt Mehter höch

und mer riissi ales app ali allte Schtrukktuhre

ales verschwinntt di allte zweistöckige

zämeboute Hüüser di hischtohrische Longtang

mösid wägg und en unngghühre Heitechpahrck

setti entschtah de gröhscht vo de Wällt

mitt Heitechmännsche wosich nurrna

mitt Finanzfrahge befassid i Finanztürmm ine

Pudong heisst dahs wo entschtaht und isch

gröhsser als Parihs so wemer z Schanghei

ales abrihsst so settimer au i de Schwiiz

ales abrihsse di ganzz Schwiiz und vilicht

auna Pahris dezue und ganzz Frankriich

er hebi uss de Bible

ali Schtellle usegsuecht

wos Wohrt lucem oder lux

vohrchömi

und wändi iezz diä Schtelle ah

uff sini Situazziohn

är hebi au es sones Liächt

es göttlichs Liächt

wonimm lühchti

jedä Tahg

und jedi Schtund

ett vihditt Deus

luhtschehm

kwod essett bohna

et divisit luhtschehm

ak tenebrass

än Ussländer schtuhni

wäner itt Schwiiz chömi

är hebi s Gfühl er träffi uf enanderi Ahrt

Mänsche uf enanderi Ahrt Lufft

äs segi ales e so unnbegrihfflich schöhn

äso ordettlich so fihrlich und ärnscht

vor allne Feischter hebis Blueme

und überahl i de Gährte hebis Fahneschtangene

mit Fähne und i de Gaschtschtubene

hebis ganzi Schränk voll Priise

wo de Schüzzeverein ggune hebi

und ali seged ruig und frünttli

zfride tögiz lächle und d Puurefraue

stöchid i irrne Puuregährte vor irrne

riisige Puurehüüser imene Meer vo Blueme

än Ussländer schtuhni

wäner die freje und schtolze Gsichter gsechi

jede woner gsechi segi ehrlich und

gwüssehaft und wansinig zueverlässig

än Ussländer meini es segi es Wunnder

dahs ales mösstid eigettli d Tichter tichte

dahs mössti d Tichter ahziä

aber es ziäi Tichter offesichtlich nid ah

äs schtohssi Tichter app

ebesoh

we sich ali Hischtohriker

und ali Biolohge

und ali Evoluzziohnswüsseschaffter

nurrna settid mit de Schwiiz befasse

ebesoh

settid sihch au ali Tichter

nurrna mit de Schwiiz befasse

alseme Sonnderfall alseme Rähzzel

alseme Muschter und Biischpiil

für dahs was mögli isch uf derä Wält

uf jappahnisch

chöni mer nid säge

Ich liebe Dich

wämer dahs weli säge

mösi mer säge

watashi wa anata ga suki desu

unttahs bedühti

was mihch betrifft

so findi di begehrenswürdig

begehrenswürdig

nid öppe begehrenswärtt

was begehrenswürdig genau heissi

dahs segi imm nizzo klahr

dahs chöni viles heisse

uf schwiizertütsch

chönimer übrigens

Ich liebe Dich

au nid säge

mer mösi au irgendöppis anders säge

är chönnti nid säge wahs

warteterächttruff
enttecktzwärde 

erhezzigärn gfräget
wassidah machi
aber si hettiswoll
nidchönä sägä
esisch wenän Zauber gasih
wenä Verhäxig
wenä Schpähtfolg vodemm
wodah vor viäriäfüfzgjahr
passiärt isch
enahrt e Vergiftig

wasfähltna

esfältnaviles

häzzidahs ächtgseit
häzzi würkli brödäla gseit
häzziswürkli ufemheiwähg gsei
wonersi heipracht hätt
nachämä Kinopsuech
churz vordä Underfüerig
er glauppz
abersicherischesnihd
sicherischnüht

erhebi

eimalmeh

sgfühlghah

dasers

mittgeischtesgschtörte

ztue hebi