s Wohrt

Sälbschtbefridigung

segi sones hässlichs Wohrt

es segi schahd

dases käs bessers gebi

aber vilcht gebis ja

es bessers und er känis nur nihd

vilicht gebis es bessers

inere andere Schprach

s Wohrt Hischtohriker

mösstimer wämer ehrlich wetti sih

nurrna mitt Ahfüerigszeiche schriibe

aber vilicht segis au mit andere Wörter soh

vilicht mösstimer au anderi Wörter

i Ahfüerigszeiche sezze

vilicht vili anderi Wörter

vilicht sogahr überhauppt ali andere Wörter

dahs wäri s Bescht

dänn hettimer Rueh

dänn wüsstimer worah mer währ

er hätt gärn unnghüri Verbräche beschribe

er hätt gärn unnghüri Frächheite beschribe

er hätt gärn unnghüri Boshaftigkeite beschribe

er hätt gärn unnghüri Uhfregige beschribe

er hätt gärn unnghüri Schwächene beschribe

er hätt gärn unnghüri Verirrige beschribe

er hätt gärn unnghüri Tummheite beschribe

er hätt gärn unnghüri Tüfeleje beschribe

Madamm

scheh lonnöhr

dähtrre vottre esglahf

hätter gseit

und sin Huet zoge

vorr derä Barohnin

eis vo de Problehm

wosich schteli

segi dases nur e Kopih segi

s Originahl heber nid uhfbewahrt

obwohl er ja problehmlohs

s Originahl hetti chöne bhalte

werum hätter ächt s Originahl

furttgrüert wo ja für inn

tuusigmahl wärtvoller gsih isch

und diä Fotokopih gmacht

wo iezz schofeng

echli vergilpt isch

hätter sich ächt gschämmt

hätter sich ächt gfürcht

er seli zuegäh

daser oni sih

nid läbe chöni

häzzi gseit

d Frau vomm

Doschtoijeffski

hebi genau dahs

au gseit hätter gseit

dahs segi doch

merkwührdig

si segi für inn

vo gröhschter Bedühtig

si segi für inn

vo grösserer Bedühtig

als de Romahn

Die Brüder Karamasov

diä Feschtschtelig

womerimm immer so sehr tögi verüble

segi warrschinndli ebä grad

e sehr e richtigi Feschtschtelig

er hebi gseit dasesales ehwig Pubertiärendi segid

wosichdah produziärid es gebi immer settigi

wonid zur Pubertäht usechömid

das segi i gwüsse Läbesbereich

vilicht nid umbedingt schädlich

vilicht mösi en Künschtler

immerwider vo nöiem ine Pubertäht choh

wäner Grohsses weli erreiche

aber en Politiker

wo immerwider vo nöiem ine Pubertäht inechömi

segi es Problehm für de Schtaht

und jede guet ihgrichtete Schtaht

mösi äxtrah Schtruktuhre hah

wodeführ sorgid dassdi ewig Pubertiärende

nizzvill Schade ahrichted

s Unnsinnige segi

nur allzu nohtwändig

uff derä Wällt

ufem Unnsinnige beruehi d Wällt

und oni dahs würdi

uf derä ärde vilicht

überhauppt nüht passiäre

ähr wüssi wasähr wüssi

er läsi iezz

d Brüder Karamasow

inere Uhsgahb

wo tuhsigundfüffzg Sihte hebi

undähr wo immer ales uhsrächne mösi

hebi uhsgrächnet welanger hebi

ummd Brüder Karamasow zläse

er hebi d Ziht gschtoppet

für zäh Sihte heber alesinalem

zwännzg Minuhte pruhcht

also heber für drihsgg Sihte e Schtund

für drejhundert Sihte zäh Schtund

und für tuhsigundfüffzg Sihte

föifedrihssg Schtund

dahs segi eigettli gahr nidesovill

er hetti erwahrtet dases meh währ

aber föifedrihssg Schtund brucher nattürlinu zum läse

zum Verschtah langi dahs nanig

zum Verschtah mösstimer dä Romahn

zweimahl läse oder drejmahl

wasst Nattuhrwüsseschafffte beträffi

unnt Biologih unnt Anntropologih

so läser iezz nüme vill

de Fall segi klahr  

mer gsechi ufwahs es uselauffi

erhebiessproblehm
es haarschtöibenz

Im Burgerschpitahl

Was isch jezz ächt
deht lohs
was isch ächt dahs
widder füre Gruppe
de Tüfel weiss es
aber d Vögel
zwitschered
ide Linde
setterächt
mehdahäregah