es passiäri nüht

es segi ales so schtill
sitt öppe viärzg Jahr
segi nüht me lohs   

es chöni känn grössere Röiber als inn gäh

und es wunderi inn nuhr
dass d Lüht nid vo imm als vom
Röiber Konnfuhziuss redid

de Röiber Chih segi grad am ässe gsih

ghacketi Mänscheläbere

womerem gmäldet hebi

dasimm de Konnfuhziuss weli sini Uhfwartig mache

wonim dahs gseit worde-n-isch

ischer inen ungghühre Zorrn grahte

sini Auge händ gfunklet we führigi Komehte

und sis Haar ischimm so sehr zbärg gschtande

dasesimm grad de Huet vom Chopf glupft hätt

vilicht seger ufem richtige Wähg

vilicht segis richtig waser gmacht hebi

vilicht segi waser gmacht heb s Richtig

segis richtig ales z verschtecke

segis richtig underzgah

d Gschicht vo Europa

sitt de röhmische Keiserziht
segi en Sklahveuhfschtand
und ide Musikk
gebis nur zwei Ahrte
Ahdacht und Tanz
und es gebi Lüht  
diä hebid immernanig begriffe
dassinid imene Chindergarte segid

wär hetti das glaupt
das es widder
enn chrieg chönnti gäh

es segi immer en Oberaff

wo öppis verchündi

wo sägi er segi de Bescht

und de Gröhscht und Schtärchscht

es segi immer en Oberaff

wo rüeffi mer seli choh

und mittim fiire und tanzze

er tögi ali beschüzze

wo chomid und allne zässe gäh

wämer imm folgi hebimers schöhn

es hebi au Wiibli wo chömid

es hebi vill Wiibli wo chömid

är segi känn Böhse

aber är chöni scho böhs wärde

wänns nöhtig segi

si seli nid soh chodere

am Morge früeh es wecki inn

oder si seli Türe zue tue

dänn ghörers weniger

si choderi so gruusig

wännsi Zäh buzzi

mer chöni doch sicher

au d Zäh buzze

oni soh z chodere

Zamerikka segid vo Hundertuusig

Sächshundert im Gfängnis fascht jedä

Hundertschte isch im Gfängnis

dahs segi e Folg vo de Privattisierig

mittem Bou vo Gfängnis wärdid Profihte gmacht

mer chöni Gält verdiene demit

und d Polizej machi gärn debih mitt

und segi en willige Liferannt vo Gfängnischunde

si hebi en tottahle Sicherheitsfimmel

und verhaffti scho eine wäner nur

e offni Bierdohse i de Händ hätt

es schtimmi ales nihd was dah unuhfhöhrlich

über di stiigende Kriminalitäht

und über Schahre vo Massemörder und

tickendi Ziitbombe gseit wärdi

es segi ales nur Hischterih

d Kriminalitäht göngi im Gägeteil zrugg

är hebis nahgläse

wassi singid

mer verstöchis ja suscht nihd

es segid Töhn usere andere Wält

we Zeiche vo öppis ganz anderem

und mer segi erschtunht

wämmer de Täggscht läsi

dänn gsechimer dases änglisch segi

ganz gwönnlichi änglischi Wohrt

wading through the waste stormy winter

dahs singiz oder

trying to stop the waves

nid sehr bedühtend segi dahs

gwüss kei grossi Liirik

aber gsunge wärdis zum grosse Gsang

wärdis ummgformt zu öppis Nöiem

wo na niä dahgsi isch

gsunge wihsis wiit über d Wohrt use

wihsis wiit ewägg und mer chöni

di gwönnliche Wohrt chuhm me ahluege

werumm si dänn

am Schluss singid

dassi sihch d Schiissi

vo de Schueh wäggchrazze mösid

dahs begrihfer nid so rächt

es fangi doch so unbegrihflich schöhn ah

es wärdi uf e wunderbahri Ahrt ihgleitet

und es göngi uf di wunderbahrscht Ahrt wiiter

si singid so schöhn

schönner segis doch gahr nid möglich

vonere Schiissi chöni kei Rehd sih

äs segi für inn äs Rähtsel

dassi zu demm Schluss chömid

äs hebi sicher ä Bedühtig

aber är verstöchis nihd

äs ghöri woll däzuä

äs ghöri zum Vollkommene

dasmärs nid i allne Teile verstöchi

di beschti Platte

wo jeh produzziärt wordä segi

segi Exihl onn Mejnschtriit

deht gebis Töhn drufobe

wonär nid chönn begrihffe

es segi es Wunnder

dasmer si hebi chöne mache

es wärdi ganz usserordetlich schöhn gsunge

aber s Schtärkschte und Gröhschte

tunkid inn nur einzelni Töhn

es gebi hih und dah

ganz näbetbih en Gitaretohn

wene Bihgahb chömm är in allgemeine Klang ine

wenen chliine Kommentahr wenes Lohb

vo eim wo näbetusse schtaht

es segi warrschinnli de Ronn Wuud

es segi d Bassgitarre wo so fiin inetöhnt

so schtill und herrlich

und ales ihsöift und zum gleite bringt

ales fahrt ales zieht und schtröhmt

wenen Schtärnehimmel segis so klahr

und schtarch und fescht

wenen Fluss chömms dethär

s zwänzigscht Jahrhundert

segi es grohsses Jahrhundert

Er chömi schon na
Er schriibis schon na
Warted nuhr
Hätter grüeft
Ir wärdez na erläbe
Er segi nur nanig peraht
Er mösi vorhär na
Anderi Kapittel odder Bänd schriibe

Er verstöchis nihd
Was inn Paris passiäri
Er verstöchis nihd
Was inn Lonndonn passiäri
Er verstöchis nihd
Was inn Bärn passiäri