är chönnti au

we de Idiott

ali ine grossi

Unrue versezze

wänär wetti

aber är nemi

sihch zäme

är wüssi

das niämärtäm

tient segi

mit Unnrue

är hebi zwar

gärn Unnrue

aber är gsechi ih

das iezz

e gwüssi Rueh

s Wichtigscht segi

är segi en

Mänschefründ

är wärdi erprässt

und chöni siich

niid wehre

si wärdid inn

ummbringe

wäner nid zali

und so zali är ebä

aber lang

chöner nüme zale

wobii dahs nid

wiiter schlimm segi

är läbi ja

au nüme lang

es segi iez

dänn sicher

bald färtig

und dänn nemis inn wunder

wes wiiter göngi

was si machid

wänn nüht me chömm

är hebi siich

sit langem

nüme demit befasst

aber wäner sich iez

wider demit befassi

so gsechi är

nattürli sofort wider

wiä schaurig

dahs ales segi

es segi

es grohsses Rähtsel

dases Mänsche gebi

we sih

är gsechi nid gärn

wänn anderi Männsche plaget wärdid

und är plagi au nid gärn sälber

anderi Männsche är wetti

dass so wenig we mögli plaget würdi

aber leider segi d Wält so ihgrichtet

dass d Männsche mösid plaget wärde

und es segi sogahr än Fähler

wämersi zwenig plagi

dahs rächi sich schnäll

d Männsche wärdid nid besser

wämersi sowenig we mögli plagi

sondern ehner schlächter und böser

er wirt kä Fröid ha,
wäner dahs ghört

im gfalis

z diskuttiere

voralem wänn

unglaublichi

und apsurdi Sache

diskutiert würdid

dänn segi är

i simm Elemännt

und mer chöni sich

iez ja wol vohrstelle

dasär vill i simm Elemännt segi

är chömi voll ufd Rächnig

är chönn häregah

wonär well

wahrt wahrt

es hätt känn Sinn

öppis z überschtürze

weck si nihd

es bringt nüht

es schatt nuhr

es schtohsst app

du vermaslisch ales

pass uhf mer beschwöhred di

bi de Reh uf de Fälder

muesch üsserscht

vohrsichtig sih

wahrt tue di iirichte

muesch under Ummschtänd

zimmli lang warte

wartisch ändlohs

wartisch villicht

sogahr vergäbe

aber es isch

immer na besser

vergäbe z wahrte

als nid z wahrte

und öppis welle

zerzwinge was

nid cha erzwunge wärde

mer beschwöred di

bi de Gazelle und de Hirsche

muesch wahrte

bis es ire sälber gfallt

und es isch unnwahrschinnli

dases ire sälber gfallt

es mössti viles zämechoh

dases ire sälber gfallt

mer weiss ja nihd

was mössti zämechoh

dases ire sälber gfallt

es wär en riise Zuefall

wänne eso chiem

villicht gfallt ire niä

wahrt wahrt

weck si nihd

chasch na wahrte

oder chasch nüme wahrte

es währ nid guet

wännt nüme chönntisch wahrte

mer wüssez dases schwirig isch

aber halzz uhs wahrt

bis dases ire beliäbt

är wetti gärn

wideremahl

uf en Tanz gah

uf en richtige Tanz

uf en Fasnachztanz

womer scho wuchelang vorhär

uhfgregt segi und

womer nachär

nid chönn verschtah

we sihch ali soh

hebid chöne benäh

är segi emahl

amene Fasnachztanz gsih

wo soh verruckt tah wordenisch

dasers niämeh chöni vergässe

diä Fraue wonär

deht gseh hebi

hebid warrschinnli

au i irem ganze Läbe

nur eimal so verruckt tah

so schampahr tah

und hebis iezz

sicher vergässe

appschlah

appschlah

mer schlönd inn app

mer schlönd inn

iezz dänn app

är isch scho

appgschlage worde

mer händ en

scho appgschlage

mer händ en aber au na

welle appschlah

mer schlönd en namel app

er mues namel

appgschlage wärde

es mönd ali namel

appgschlage wärde

au de Vatter hätt

d Chind regelmässig

appgschlage am Ahbig

wäner hei cho isch

es sind immer ali

appgschlage worde

und au d Chind händ

enand appgschlage

und de Vatter hätt au

d Mueter appgschlage

au sih hätt möse

appgschlage wärde

wänn nid immer ali

appgschlage worde wäred

wär überhaupt nüht gloffe

wär nüht zschtand choh

aber iezz schiinz

als hetti all dahs appschlah

nüht gnüzzt iezz

waggelet ales wider

und gaht under und

es mues warrschinndli

wider vo nöiem lohs gah

es gaht scho vo nöiem lohs

es wird scho wider chrefftig

druflohs ghaue es wärdid

wider vill appgschlage

mer mues nur luege i de Schtatt

es isch echli schahd

dases soh mues laufe

und mer weiss au nihd

öbs s richtige Rezäppt isch

mer weiss nihd

öb mer zvill appschlaht

oder öb mer zwenig appschlaht

mer händ glaub vergliche

mit andere Poppulazziohne

relativ richtig appgschlage

e isch schwirig z säge

obs na hetti chöne besser choh

es isch ja niänät besser choh

sondern überahl ehnder schlächter

allerdings isches au bi öis

nid gnueg guet usechoh

wämer nume wüssti

wasmer mache mössti

dases guet usechunnt

wasinn erschrecki

segi däh Unnverschtand

i de Regierige und Parlamänt

und i de Mehdie und Schuele und Uniwersitähte

wasinn erschrecki

segi das nüht begriffe wärdi

grad vo dene nihd wodoch settid begrihffe

ähr chömi sihch amänd

nid ganz normahl vohr

und er fangi ah

ade Frahg umeschtudiäre

werumm inn dahs erschrecki

es setti in doch eigettli nid erschrecke

es setti imm doch au gliich sih

eggutth eggutth