iezz heber si wider scho lang nüme gseh

iezz hebi si sihch sicher scho wider vo imm wäggentwicklet

iezz chöner ire vilicht ufeimahl nüme folge

iezz segi vilicht däh Momännt choh wonär ire nüme chöni folge

si segi ja sone unheimlich Produktihvi segi so Wandlixfähig

undähr segi degäge immer weniger är chömi nüme mitt

ähr vergässi immer meh är segi glaub scho halbe tohd

es segi nühtme mittim lohs iezz heber doch chürzlich wider

äxtrah e paar Zihle Göhte usswändig glehrt und hebi diä Zihle

ixmahl ufem Wähg zur Arbett widerhollt und wüssisi scho wider nüme

geschwind zu Pferd hebis gheisse und

der Mond von einem Wolkenhügel

sah traurig aus dem Duft hervor

er machi iezz nöischtens taoistischi Gedicht

 

chascht nit zu imm yche

chascht zu imm yche
chascht nit zu imm yche

chascht zu imm yche

hey si nüt

su chömme si zu nüt

u hey si neuis,

so chömme si drum

lueg we die mit demm tumm tuet

die tuet jezz tumm

lueg doch deht 

si seli

emal probiäre

Gedicht zmache

si chönnti dahs beschtimmt

und beschtimmt würdiz au

wunderbahri Gedicht

es segi ja ales

wo si machi

wunderbahr

är würere

gärn säge

wiä chamer

so schöhn

sih wiä

isch dahs

mögli und

wiä läppt

mer wämmer

so schöhn

isch soh

chamer dah

überhauppt

läbe idere

Härrlichkeit

är würere

gärn säge

dasär nie

hebi chöne

begriife

wiä dahs

mögli seg

niä hebers

begriffe

we sih läbi

und är hebi

doch lang

Ziit gha

zums begriife

anderi

wärdid

wännsi

soh vo einere Kattaschtohfe

i di ander gratid

zum Künschtler

aber dahs passieri

bi de wenigschte

di meischte

wo soh vo einere Kattaschtrofe

i di ander grahtid

göngid eifach

emal under

wänn iri Chraft erschöpft segi

aber au Künschtler göngid ja under

und är wüssi nihd

öbs nid besser segi

wämmer eifach schtill isch

und verschwintt

als wämmer als Künschtler verschwintt

was hättmer devoh

wämer vorher na es riese Füürwärk ablaht

und was hätt diä devoh

für diä mer das Füürwärk ablaht

diä hettis vilicht au lieber

wänn si chönnti gah

oni all däh Uhfwand

undoni diä Uhfregig

wo ja schlussändli nüht bringt

 

er brösmeli

jezz na Gedicht use

so unggfähr eis pro Tahg

es segid imm

ali Türe zue

es segid imm

ali Möglichkeite

verschlosse

är mösi sich

druff iirichte

är mösi sich

demitt appfinde

so we sich ali andere

au demitt appfindid

es segi nüht me zmache

geischtig nihd

und au körrperlich nihd

es segi färtig

geischtig segis färtig

und körrperlich

segis au färtig

es segi verbih

es segi verbih

är mösi froh sih

daser ja doch

einiges erläppt hebi

und daser einiges wüssi

im Unterschiid zu villne andere

mittenä segis verbih

oni dassi je überhaupt

en Ideeh gha hebid

vo demm was s Läbe

hetti chöne sih

är hebi immerhin

halbwäggs gläppt

es segi es schöhns Gfühl

wämmer glaubi

de ander segi en Tubel

är lösi drumm

di andere gärn

i demm Glaube

si segid dänn

so glöhst und zfride

imm segi dahs gliich

wännsi glaubid

är segi en Tubel

imm machi dahs nüht

är stöchi über de Sach

är glaubi

daser glaubi

är segi

en Tubel

scho sini Mueter

hebi immer gmeint

es glaubid ali

si segi en Tubel

meined ihr

ich segi

en Tubel

hebi sini Mueter

mängmahl gseit

jezzt

wo sini Mueter tohd segi

chömi ebä är at Reie

jezzt glaubid vili

är segi en Tubel

chascht ychechoh,
wed magscht,

wed dih nit öppe schämmscht  

Zutüfscht human

Üsserscht human

Vertüflet human