enzah

nagi

aderseel

Wäll-te

hätter grüeft

Wäll-te

segid imm eröffnet worde

Durr dahs Buech

ärhebi bi ire kei Schansse

unddasär bi ire kei Schansse hebi

segis Furchtbahrschte

wos nurr gebi uf derä Wält

mer mössti eigettli sofort verzwiifle

und mit alldemm zumene rasche änd choh

aber mer verzwiifli nihd sonder läbi wiiter

und segi sogahr hühfig irgendwiä zfridä

mer mösi sich dahs emahl vohrschtelle

diä Zfrideheit diä Zfrideheit

wo sogahr na produktiv segi

es Garamehlbuscheh

settimer ebä nid

eifach ganz is Muul näh

merchönis doch

liecht i vier Teili teile

unddänn chönimer

immerna alivier Teili

mittenand is Muul schoppe

wämmer sich nid chöni behärrsche

si hebi hättsi gseit

die Schtückli immer einzeln

is Muul gschoppet

und einzeln gsuggelet

wosinnder
wohämmeröi
nurhäretah

Wär
Wirttemahl
Diä Vorhäng abhänkä
Wär emal
Diä vilä chlinä härzige Bärli
idem Blächtopf furtrüere

Wämer öppis sälber gschribä hätt

Dänn weiss mer

Was dah schtaht

O daser

Stärbe chönnti

I Gedanke

A die Unvergliichlichi und Unvergässlichi

Diä Süässi

Si hätt sonen schtarchä Busä ghah

Das jedä wosi gseh hätt

Umgheit isch

We wäner

Vonärä Kanonechugle

Troffe wordä wäri

Ahrbeiter Ahrbeiterraht

Revoluzzionähr Revoluzziohnsraht

Revoluzziohnskomitee Volkskomitee Volkskongräss

Komissahr Volkskomissahr Volkskomissahrsraht

Volkskomissahrskongräss Zentrahlkomitee

Exekutihvkomitee Partejvohrschtand Partejgründig

Parteipräsidännt Parteiversammlig Wihchäller

Resoluzziohn Delegierteversammlig Hundesöhn

Gfängniss Volksrevoluzziohn Proklamazziohn

Polizejkomissahr Polizejpricht Polizejbezirk

Proletariaht Schpaltig Prowokazziohn  

d Mueter vom Presidännt

vode freysinnige Partey

hebi zu irem Sohn

wo nach langem Zögärä

en Befürworter vonärä

Mueterschaftsversicherig wordenisch

gseit

jedä

wo für Tmueterschaftsversicherig segi

segi en Tubel

es segi erschtuhnlich

wie schtrapazierfäig

gwüssi Mane segid

wie Esel wie Kamehl

si tänkid zum Glück

nid zvill die Mane

si findid sich app

mit irem Sklafeschicksahl

und chlaged nidemahl

sondern finded dahs normal

si glaubid sogahr

dassis na relativ guet hebid

si gsehd anderi

wos na vill schlimmer händ

är wetti jedefalls nihd

dasimm e Frau

würdi Liäbesgedicht zeige

är würdi sicher

die Gedicht nid guet finde

und dann gähptis für inn

nur zwei Möglichkeite

är chönnti lüge und säge

die Gedicht segid fantastisch

oder är chönnti säge

es segi ales übertribe

es wärdid dah nur

Paarigsproblehm uhfpauscht

es wärdid Gheimnis gseh

deht wos kei Gheimnis gebi

und är wüssti nihd

was schlimmer währ

zlühge oder nid zlühge

är sägi dahs demit me gsechi

wes um inn stöndi demit me

sin Geischteszueschtand gesechi

also bitte kei Gedicht

d Wält segi au suscht scho

unruhig gnueg es bruchi nid na

wiiters Gschrej was söli dahs

unnschtillbahri Sehnsucht

wänns scho es soh segi

so selimers nid na usetrommpehte

mer selis für sich bhalte

und versueche demitt zläbe

das segi veruckt gnueg

dah bruchis nid na vill Begleittmusick

er segi total

uf si abgfahre

hebi eini gseit

zu irem Begleiter

er hebi sich

so göffnet

anderi hebid

vo Hippothehke grett

und wider anderi

vo Garamehlbuscheh

wos früener gäh hebi

öbses hüttna gebi

wüssizi nid

hebi e elteri Dame gseit

Garamehlbuscheh

womer eigetli nid

hätt chöne ganz ineschoppe

wämmersi ganz inegschoppet hätt

dänn hebids imm Muul so kläbet

dasmer sich chuhm me

hebi chöne befreie

er segi total uf si abgfahre

die wo dahs gseit hebi

segi e Blondi gsih

es hebi echli verlezzend töhnt

echli berächnend

es hebi inn tunkt

es fähli dah am Iifühligsvermöge

vilicht händsi au vomene Hund grett

är hetti einiges drum ggäh

wänner ine hetti chöne folge

als en Geischt

är wäri gärn en Geischt

unsichtbar wetti är sih

und immer überahl debih

aber öb dahs interessant wäri

dahs wüssi är nihd

är würdi vilicht

i dere Bezieig

überraschige erläbe

es wäri vilicht zimmli troschtlohs

und är chähmti vo alem

na e schlächteri Meinig über

si segi imm

schönner als je

erschine härrlicher

wäretemm är

näbet ire gloffe segi

unnermässlich schöhn

segi si imm erschine

königlich

oder wene Göttin

und es hebi nid vill gfählt

und är wäri

zmizzt i allne Lüht

ire zu Füesse gfalle

und hetti grüeft

Erbarmen! Gnade!

ob mer sich dahs

chönni vorstelle

we dahs usechiem

wänn eine am Bode ligge wür

und rüefe wür

uf hochtütsch

Erbarmen! Gnade!

mer würi meine

es segi en Schpinner

en überegschnappte

wäner Ziht hetti

würer e Gschicht schrihbe

vomm Wohrt Fäderläse

und vo allne denä

wo das Wohrt pruhcht händ

de Trozzki zumm Bihschpihl hebis pruhcht

nid vil Fäderläse mache heber gseit

aber wohär häzz ächt de Trozzki

hättersächt vom Bismarkk oder vomm Luther

oder gizz ächt dahs Wohrt scho imm Latihn

oder chunzz vo de alte Griäche

gizzes bereiz bimm Homehr 

denä wo settig Vohrschlähg mached

säged mihr Ihr sind elänndi Bankrottöhr

Ihr händ uhsgschpillt

gönd detthih woner häreghöred

uff de Kehrichthuhfe

vo de Gschicht

es segi dah kän Kompromiss mögli