es handli sich dah

umä bsunderi Sorte

vo Mänsche

mer wüssi niä

wassi tänkid

wännsi seerguet sägid

soh wüssi mer nid

wass dahs heissi

seerguet chöni

au heisse dases

en grosse Blödsinn segi

und wännsi seernüzzlich sägid

so chöni dahs au heisse

dases im grund gnoh

völlig überflüssig segi

überflüssig und unnbruuchbaar

 

Fascht z schöhn

Fürt Claudia  

es segi für inn

immer en schrecklichä Gedankä

es Tier zsi

wo kei Auge hätt

er chöni sich nid vorstelle

wiämär oni Auge chöni läbe

da segi mer ja

ununterbroche i Panick

es gebi übrigens Tier

wo früener emal

Auge gha hebid

d Muhlwürff zum Biischpihl

hebid früener emal

gueti Auge gha

die hebid sich dänn aber

zruggbildet imm Lauf vo de Ziit

bimm Läbe under de ärdä

wie das zschtand chömm

segi imm es Rähtzel

er warti uf eine

wo imm das Rähtzel lösi

en Biolohg oder suscht en

Natuhrwüsseschaffter

däh findi vilicht use

wie dahs zschtand chömm

werum d Mänsche so sind

wie si sind so ummöglich

es gebi da sicher Gsetz

oder besser gseit

vili unglücklichi Zuefäll

womer nanig gnau käni

und womer sicher chönnti

rückgängig mache

wämmer wüssti wie

rückblickend mösi är säge

dass dahs wo effecktif passiert segi

ehner lächerlich gsi seg

es isch fasch nüht gsi

unttoch isches eso gsi

als wäris s Verücktischt

als wäris en Undergang

als wäris en Uuflösig

vo aler Ohrnig und

de diräkt Wähg itt Höll

hütt isch dasales

nümeso ufregend

nümes Ziil vo ale Aschträngige

nüme di gross Angscht

aber dohzmal segi mer

fascht bewusstlohs worde

wämmer nu drahtänkt hebi

und mer hebi villdrah tänkt

mer hebi immer müese drahtänke

aut Ingeborg Bachmann hebi

warrschinnli vill drahtänkt

susch chähmi bi ire nid

imene wichtige Gedicht

drühmahl s Wohrt Bett vohr

das Wohrt Bett hebi scho gnüegt

mer hebi sofort Herzchlopfe übercho

wämmer das Wohrt ghört hebi

mer chöni sich dahs hüt nüme vohrstelle

wiä wichtig das Wohrt gsi segi

es hebi Fraue ggäh wo Mane nur

mit irne Leischtige immbett

asich punde hebid

sogahr ghüratet segi worde

nur ufgrund vodemm

wo immbett potte worde segi

es segi everuckti Ziit gsi

nid zvergliiche mitthütt

hütt welid vili ja gahr nid isbett

oder wännsi isbett göngid

so wüssedsi nid so rächt

was si ahfange chönntid

meischtens schlaafids iih 

iz

iz
iz

wänndasnurrwührufhörä

wänndasnurräntlichfärtigwähr
wännnurröpperchiem
unddaswühr wäggpuzzä