na und

sägez dänn

na und

si grahted

aber liächt uss de Fassig

und sinnd dänn

fassigslohs

währ nid für anderi läbi

läbi au nid für sihch

 

de Tühfel weiss öb dahs schtimmt 

dah settimer sich uhfrege

mer segi känn Mänsch

wämer sihch dah nid uhfregi

drumm segid ali uminnume

kei Mänsche und drumm

reger sihch grad nameh uhf

er segi de Tüpp wonen

Härzzinfarkkt chönnti überchoh

dah chönimer nüht degäge mache

dah hälfid kei Filosohfe

dah chönimer nur wahrte

 

biser chömm 

mer hebis uhfggäh

es befassi sich niämärt me mit Erzieig

oder höchschtens settig wo völlig unngeignet segid deführ

es lösi sihch nattürli au niämärtme erzieh

es glaubi jedä daser kei Erziehig me nöhtig hebi

es segi jedä beleidigt wäner nur s Wohrt Erzieig ghöri

dahs segi schahd

er wünschti sihch dassich di Beschte und Gschihdschte im Schtaaht

würdid mit denä Frahge befasse dassi würdid Schriffte verfasse

und dassi i denä vile Rehde wosi händ

niä s Erzieigsthema würdid vergässe

er wünschti sihch dass d Partejpresidännte a de Partejtage

würdid vo Erzieig rede

si enttühschid

d Hoffnige

womer isi sezzi

Äs mischid sich

Reschpecktabli Läbeswihsheitä

Und theoretisch interessannti Ahnahmä

Mittem Schtammtisch

Vomänö usser Tritt gratenä Rächtsintelektuellä

Wodä läbesgschichtlichä Apporiäh siner Rollä

Nümä gwachsä nisch

Är schiibi öppis

Aber nüht eifachs

Är schriibi öppis

Wonali verruckt wärdid

Wosläsid

This is hell

I cried

er chöni häre gah

woner weli es nüzzi nüht

er chömi zu nüht gsechi nüht

märki nüht also schpilis au kä Role woner seg

er chönnti guet am Nordpohl sih oder ufem Mond

es schpili au kä Role mit wemm er seg

er setti sich drumm weniger uhfrege

wäner mit Lüht segi

wonim nid passid

es chönnti eim schlächt wärde

wämmer dahs ales gsechi

aber imm wärdis nid schlächt

ähr läbi munnter wihter

es wärdi scho soh vill soh lang faltsch gmacht

das au dahs na chöni faltsch gmacht wärde

und debih chönimerja immerna t Hoffnig hah

das us all dene Fähler schliessli wider

eneinigermahsse annehmbahrs Resultaht usechömi

und im übrige segiz ja alesinalem relatihv harmlohsi Fähler

si chönntid na vill grösseri Fähler mache

aber daderzue hebiz zwenig Chrafft

und au echli zwenig Verschtand

us nüht

öppis mache

dahs segis