es segi erwise

 

das Lüht mitteme tühfe Glaube

 

gsünder segid als Lüht wo nüht glaubid

 

däh tühfe Glaube mösi nid unbedingt

 

en Glaube anen Gott si es chöni

 

au en Glaube anen Mänsch sih

 

mer chöni ja au en Mänsch

 

liäbe und verehre

 

wenen Gott

 

öb mer

 

öpperem

 

eifach so säge

 

tärfi daser es Wunnder segi

 

oder öb mer dahs nid säge tärfi

 

är glaubi dasmers ehner nid säge setti

 

wills däh demm mers seit under

 

Umschtänd deschtabilisiärt

 

är chöni beliebig vill

 

Bihschpihl uhfzelle

 

wodahs passiert

 

segi

 

merrsettidhöre
chöndabernihd