we hätt ächt
diä gheisse
villicht Monika
odder Trudi
wäner mittere
ufeggange wär
wüssters iezz              

 

wänn isch ächt das Wohrt
zum erschte Mahl brucht worde
wär hättächt dahs erfunde

 

 

sütt

hebi sin

Französischlehrer

mängmahl gseit sütt dö

flütt unddänn heber sich

entschuldiget aber ähr hebi niä

gwüsst werumm für inn segi dahs nüht

schlimms gsih sütt dahs hebi höchschtens

echli lächerlich töhnt und erscht wänerna dö flütt

ahghänckt hebi hebis einigermahsse ärnschthafft töhnt

sis lettschte Wohrt

segi gshi tvertimot

 das heissi im Gägeteil

 oder wöhrtlich übersezzt

 schtrickt degäge so segi

 sis Läbe gsih er segi

 immer gäge ales gsih

 

ähr hebi känn Hindergrund ähr hebi nur luhter armi Tühfel als Vorfahre

 

wämer sini Vorfahre vo de letschte zähtuhsig Jahr würdi

 

ine Reie schtelle so wührimer ales halbverhungereti Chrampfer und

 

under ine au de eintte oder andere Schlaumeier und Glohn finde

 

Geischt wühri mer nid vill finde nur grad immer sovill we nöhtig isch

 

um nid underzgah aber Geischt wo öppis nöis machi öppis wo über

 

de täglich Läbeskampf unsegaht dahs gebis nihd währet Jahrtuusige nihd

 

es hebi niä öppis Höchers ggäh und drumm heber iezz au settig grohssi

 

Schwirigkeite sich zrächttzfinde i demm Konzärt woner segi är segi

 

nämmli imene Konzärt vilicht chönnti ähr Schtammvatter sih enahrt en

 

Noah Schtammvatter vomene nöie Gschlächt wodänn i drühtuusig Jahr

 

emahl so kompliziärti Musick würdi schrihbe und sone Simfonih würdi

 

zschtandbringe vo imm chöni na nüht choh er wetti nur mängmahl

 

das vo imm öppis chiemti er wetti au schöni Sache mache chönis aber

 

nihd er segi eifach nanig kulltiwiärt gnueg är chöni nur schtuhne

 

wäner iezz im Konzzärt segi und Gerrschwihn ghöri und Börnschtein

 

de Börnschtein hebi e simfonischi Jeremiachlahg gschribe mit für inn

 

ganz unnverschtändliche Ahchläng a uhralti Gsäng und litturgischi

 

Forrmle und mitt de Chlage vonen Vorfahr gschribe hebi si sind we

 

Blindi durd Schtrahsse taumlet hebi däh gschribe ine Schrifftrole ine

 

 

und de Börnschtein vertohnz drühtuhsig Jahr schpähter voll Bluet sinz

 

voll Bluet mer chas nid ahlange und sini Simfonih wird uhfgfüert

 

i allne Egge vo de Wält i Konzärttsähl mit Chrohnlüchter und allte

 

Dahme und Töcktere und Professohre denä diä Musick aber z luht isch

 

unz kompliziärt e pahr sind gahr nid choh und händ iren Schtuel la

 

lähr bliibe si hettid liäber öppis anders gha ine isches echli z luht

 

und z veruckt es ischja fascht we Tschähss voll Bluet hänz grüeft

 

wichedene uhs langez nid ah wänns nid so luht währ würded sicher

 

e pahr ihschlahfe aber es isch nattührli glihch es Kunschtwärck

 

de Börnschtein hätt öppis zschtandprahcht wonähr ehrlich gseit

 

überhauppt nid verstöchi är segi ganz eifach z tumm dezue we ja ali

 

andere au es gitt niämärt im Saal wos verstaht hebi ähr tänkt es gitt

 

sicher niämärt in demm Saal wos verschtaht es gseht käne uhs we

 

wäners würdi verschtah dahs segi imm en chliine Trohscht vilicht

 

verschtahz de Dirigänt vilicht verschtahz aber au de Dirigänt nihd

 

da hämmer öisi Zwiifel de Dirigänt isch vilicht eifach echli en

 

Gschäfftlimacher wo i de Wält umereist und überahl echli abrahme tuet

 

 

 

d Lüht wänd ja eifach i dene Konzärtsähl under dene Chrohnlühchter

 

öpper Berüämmpter gseh und drumm gitt settigi Berüämmpti wo für zwei

 

Tahg uff Bährn chömed und huschhusch mitte arme Musicker öppis

 

zsämechlöpfed aber irgendwoh uff de Wält gizz dänn aber doch öpper

 

wo diä Musick verschtaht dahs unheimliche und wunderbahre Zämeschpihl

 

vo so villne verschidäne Innschtrumänt Fagotte Konntrafagotte Tuhba

 

Posuhne Bassposuhne Trommpehte Piccolos änglischhornn si ali wärded

 

gschpill so luht dases gaht mer ghört nurrna ein grohsse Klang mer

 

ghört si nüme einzzeln mer gseht nurra Bewegige mer gseht wes blased

 

mer gseht we Pfinger uf de Seite vo de Tschellos tanzed mer gsehz

 

aber ghörz nihd aber öpper wirz verschtah tänktmer und gschihdi

 

Nottizze mache und en Uhfsazz schrihbe und nach zwänzzg Jahr wirtt

 

enandere däh Uhfsazz läse und verschtah und beihflusst wärde und

 

sälber en nöie Uhfsazz schrihbe oder e nöii Simfonih oder vilicht

 

wärdi däh au dahs wo gschribe worde segi krittisiärä und ablehne

 

uf e radikahli Ahrt und däh wärdi säge de Börnschtein hebi nid dahs

 

erreicht womer tänki daser errreicht hebi

 

däh wärdi säge dases

nid richtig komponiärt segi und nid schöhn töhni und chönnti besser

gmacht wärde däh wärdi säge es töhni villz grohssschtettisch und

öppis wo grohssschtettisch töhni chöni niä richtig schöhn töhne

sondern höchschtens für churzzi Momänt und de Börnschtein segi gahr

nid sonen Hochentwicklette wemer immer meini mer mösi na höcher choh

mer mösi vo dene Fähler wäggchoh und mösi probiäre na vill bessers

zmache und vili hüeschtled nattürli wärettem Konzärtt oder hueschted

und verbreited Grippevihre es wärded e pahr chrank wärde nach demm

Konzärtt öb ähr ächt au wideremahl e Gripp überchömi dahs hätter tänkt

währettem Kontscherto inn Eff ähr hebi scho ehwiglang kei Gripp me

ghah es chönnti sih daswäner iezz e Gripp überchiem dahs e zimmli

ährnschti Sach chönnti währde er segi iezz so altt das e Gripp

gfährli chönnti sih dahs heber tänkt wärettem de Zimohn Barto öppis

gschpillt hätt wonähr mitt simm Puureverschtand nid hebi chöne erfasse

är segi enn Puuhr und bliibi en Puuhr är glaubi nihd daser na sehr

enttwicklixfähig segi es segi nühtme zmache

 

 iezz zum Bihschpihl

chöni ähr sich überhauppt nüme at Musick erinnere wänn de Zimon Barto

d Rappsodih in Bluh gschpillt hetti waser ghofft hebi dänn chönnter

sich na erinnere aber iezz erinneri ähr sich nurrna a diä vile Dahme

wo öppis hebid la gheie es segi di ganz Ziit immer öppis an Bode

gheit psunders wänns ganz fihrlich und ärnscht gsih segi dänn segi

es Brüleetwih oder e Brüle oder es Täschli oder en Schlüssel an Bode

gheit dahs hebi dänn immer ganz fanttastisch gschtöhrt und segi soh

lächerlich gsih dases eigettli für inn di ganz Kommponischtekunscht

widerleit hebi für inn segid eigettli Konzärtt öppis lächerlichs

voller Zwäng e Tortuhr mit Chleiderzwang Grawattezwang Dirigänttezwang

Schtillsitzzwang Klatschzwang aber dahs segi warrschinnli doch nid

di richtig Ihschtelig ähr setti diä bürgerliche Läbesforme schezze

öppis anders gebis ja nihd ähr setti lehre dadermit zläbe ähr setti

das au gnühsse de Tomass Mann oder de Nihtsche hebis au chöne gnühsse

 

 

wäge de Schöhnheitt

heber gseit

wäge de Schöhnheitt

wäge de übergrohsse

de unermässliche

Schöhnheitt

jede Tag es nöis Gedicht
jede Tag heber eis gschribe
dahs hebi dänn de Uhsschlag ggäh
so seger dänn zum Zuhg choh    

mer tärfed Gott nid vergässe
settid öis widder mittim beschäftige
suscht wirzzem na langwiilig

Werumm
Schrihbez
Immers
Glihch

 

 

pöttähtr

er hebi emahl

 

en chliihne Täggscht gschribe gha

 

uf de Schriibmaschine

 

nur wenigi Zihle segiz gsih

 

aber üsserscht rähzzelhafti

 

und er hebi dä Täggscht

 

oni Ahgahb vom Name vom Autohr

 

in Briefchaschte inegheit

 

in Briefchaschte vom Nöie Winterturer Taggblatt

 

dahs segi di gehobenschte Ziitig gsih

 

er hebi grosses Härzchlopfe gha debih

 

und i de nächschte Tage und Wuche hebers Taggblatt

 

immer gnau ahglueget immer au mitt Härzchlopfe

 

er hebi glueget öb sinn Täggscht appdruckt worde segi

 

aber sinn Täggscht segi nid appdruckt worde

 

sondern warrschinnli imm Papihrchorb glandet

 

es segi nid uhszdänke wasfür Folge an Appdruck

 

hetti chöne hah aber au de Nidappdruck hebi Folge ghah

 

für inn aber au fürs tradiziohnsrihche Taggblatt

 

dahs segi nämmli bald druffabe ihgange

onndoa lütteh
onndoa trawajeh
ssätäribel

 

si märkiz nihd
und si weliz nid märke
und si wärdid ganz böhs
wämmer ine seit
si märkiz nihd

mer mösi nur immer öppis verteile
dänn segi Rueh dänn segid ali zfride
und wänns nüht gebi womer verteile chöni
dänn mösimer halt öppis erfinde
womer chöni verteile dahs segi nid soh schwähr
wemer tänki mer seli nurrnid verzwiifle
es bruchi ebä dezue e gwüssi politischi Begahbig

 

soh
und nuhr soh
göngis           

er segi zmitzt ine
hebi ales zur Verfüegig
und gsechi doch nüt
wüssi doch nüht
verstöchi nüht
chöni d Bedühtige nid gseh
er wüssi nid wasen
Trimeter segi
was en Tetrameter
was en jambische Trimeter
was en trochäische Tetrameter
und was um himmelswile
isch en Ithyphallicus
was en Megaphallicus    

si tröimed

dassi iri Fessle

chönd abwärffe

si tröimed

dassi iri Chette

chönd schpränge

aber was öis betrifft

so lachedmer nuhr

wämer dahs ghöred

mer ratedene ah

ganz schtill zsih

und Angscht zhah

wänns wänd choh

so seliz choh

und selid öisi Füess küsse

suscht aber seliz

guet uf sich uhfpasse

dänn es bruhcht nid vill

und scho verjaggz öis

unddänn schlömmer

eifach ali zäme

soh wemer

Gschier verschlaht

mitteme Iseschtahb

 

zittered
und sündiged nihd
tänked nah
und blihbed ligge

 

we das ales
ideologisch isch
we da ali schpined
sisch nid zum glaube

er verträgi ali diä Lühtli nid
ali diä stumpfsinnige Lühtli
ali diä geischtesgschtöhrte Lühtli 

 

 

nüht nüht
sisch nüht

 

es segi ales so grässlich

es segi ales so grauehaft

 In Marrmuttieh gebis e romanischi Apptejchile

 

wo im zwölffte Jahrhunndert pout worde segi

 

mittere gwaltige feschtixahrtige Fassahde

 

eme sogenannte Weschtwärck und a dene

 

ticke Muhre hebis nurepahr

 

schühsschahrtenahrtigi schmali Feischter

 

und nurr wenig Schmuck chliini rächteggigi Plattene

 

zwei oder drej Plattene mit Löie wonen Heiligeschih hebid

 

und ei Platte mitteme wüäschte drejchöpfige Dämohn

 

wo vor sihch zweh apptrännti Chöpf ide Händ hebbt

 

und vor demm en wihtere Chopf am Bode liht

 

 wänn hätterächt
serscht mal
woullottaläv ghört
wänn womenn yu niid lääääv
wänn läv läv läv             

 währ hättächt diä Chöpf erfunde

währ hättächt diä Tühfle inn Schtei gschlage

und währ hättächt gseit dasmers mache seli

währ hättächt de Uhftrahg ggäh

häzzächt en Schtriht ggäh

häzzächt nidallne gfale

häzzichächt öpper betroffe gfühlt

hättächtöppergseit dahsmösiwiderwägg

häzzächtöpper verschtande

häzzächt niämärt verschtande

ähr chöni sihch vohrschtele

dases nureine verschtande hebi

unttäh sich jede Tahg gfröit hebi

wäner adene Tüfelsgrinde verbihchoh segi

häzz das scho vorhär gäh
häzz das scho immer gäh
hätt dahs schomal öpper gmacht   

drühmahl

ufdä Niäsä
aber niä obenabägloffe
dahs gaht itt Chnüh