sini Rehde hebid so öppis Feschz und ärnschz und Schwährs

und segid drumm immer echli überflüssig und warrschinndli

au echli lächerlich es weli jedefalls niämärt zuelose

es fähli au de wichtig Undertohn und di bsundere Frekwänz

wos bruhchi daseim zuegloset wärdi er bringi dahs niä häre

 

öbsi wetti das ali Mane glihch währid

öbsi wetti das eifach vo Ziht zu Ziht

eine chiem und echli lachet und echli

droht unzi dänn irgendwohäre schleppt

und unzi nimmt oder öbsi liäber hetti

wänneine chiem und säge würdi dasersi

liäbi daser vergöngi vor Fröid wänner

si gsechi und daser ganz i ire unddur

si läppt

mer gsechi dahdruhs dassd Liäbi öppis

segi wo relatihf schpaht choh segi we

d Schrifft oder we de Buechdruck oder

s Schühsspullver und vilicht au öppis

segi wo wider vergöngi si verschwindi

vilicht wider im Kompjuhterzihtallter

willt Chrefft wo vo de Gägeschtänd us

göngid widder ales verchlinnerid untt

Technikk übermächtig wärdi d Männsche

wärdid bald nüme wüsse was Liäbi isch

 

ssettättünnfamm
mültiorgasmik
ssettättünnfamm
fonntähn     

 

bi ire
hebi sich
de Himel
ganz bsunders
Müeh ggäh
bi ire
hebi de Himel
sich übertroffe
heber gseit

är entwickli

mängmaal gwüssi

Paradihsesvohrstelligä

si sölli nid verschrecke

es segid kei tummi Fanttasiiä

es segi ä seer ä eifachi Vohrstellig

es änderi sich imm Vergliich

zum jetzigä Zuestand nid vill

es müessti sich fascht nüht ändere

öb är ire selli säge

ummwases göngi

Dur sis Schriibe
segi är vomene durchus nid muschterhafte
aber doch für mängi Sache guet bruuchbare Beamte
zumene Schrecke für sin Scheff worde.
Sin Schriibtisch im Büro segi gwüüss niä ordentlich gsi
jetzt aber seger vomene wüeschte Huufe vo Papire und Akte höch bedeckt.
Är käni nur dahs wo zoberscht liggi
une ahni är bloss Fürchterlichs 

 

iezz wüsser änttli
waser machi
biser ufem Schtärbebett liggi
er läsi Pruhsst

 

iezz wüsser änttli
waser machi
wäner ufem Schtärbebett liggi
er läsi dänn Pruhsst

 

so unggfähr wiä Chüä
chömidimm di gwönndliche Mänsche vohr
wäner Pruhsst läsi
wäner bimm Pruhsst gsechi
was mögli segi
a zartischte Empfindige
und fiihnschte Gfühl

 

deht im Büro
isch di wahr Höll
vonere andere hani kei Angscht me   

 

Und emahl
woner d Schtrafkolonih
vorgläse hätt
hebi mer e Dame
wo ohmächtig worde isch
möse useträge
und bald drufabe
hebid sini Wort
namal zwei Dame
nidergschtreckt

 

 

er wünschi sich täglich vo de Ärde wägg

das isch öppis
merked öi das
das isch iezz
emaal öppis   

Ich cha nid verstah

Dass diä iezz so blöhd tönd

es segi scho gschpässig

wevill gschpässig segi
imm chömi ales gschpässig vohr
d Mane segid gschpässig
d Fraue segid gschpässig
oder öbs öppe nid soh segi
öb öppe öppis nid gschpässig segi
nid seehr gschpässig
nid appsoluht gschpässig

 

es isch

wes isch    

Wihssi Mänsche

hätter grüeft

wihssi Mänsche

wärdid verschwinde

Das währ vilicht guet

hätt enalti Häx gseit

wonuna mitteim Aug

gseh hätt

undau mittemm

nümä guät

 

vo settige Lüht

chunnt nattürli

überhaupt nüht

 

ähr segi Appokalipptiker

und als solche für nid vill anders z bruhche

Appokalipptiker segid nur Appokalipptiker und nüht anders

en Appokalipptiker chöni nid na öppis anders sih

chöni nid na Polittiker sih oder Wüsseschaffter

en Appokalipptiker seg au nid geignet als Ehemah oder Vatter

höchschtens als Liäbende seger geignet sehr geeignet vilicht sogahr

als Liäbende und au als Künschtler chöner einiges leischte

nid für es grohsses Publikumm

nur für sihch sälber

als öppis wonin schtüzzi

wäner sini Gsicht hebi

heber d Liäbi

als öppis wonin beruhigi

wännsinn weli verihsse

heber d Kunscht

 

emahl

häzz au

en Milutinowitsch ggäh

und emahl

en Fuko

Fuko

nid mitt Eff

mitt Fau     

 

ärhebi

vilesprobiärt

aberesnüzzi

alesnüht

esbliibi

ales so

wesseg

 

leeva supper nohs

leeva supper nohs luhtschehm

luhtschehm vultuss tui

Domine

luhtschehm vultuss tui

leeva supper nohs

luhtschehm vultuss tui

Domine

luhtschehm

vultuss

tui

 

Angscht
das segis
Angscht
si hebid ali
d Hose gschtriche voll   

är glaubi

dass das Sischtehm

warrschinnli baldemahl

vomm Tühfel gholt wärdi

das Sischtehm segi iezz

scho pahrmahl fascht

vomm Tühfel gholt worde

und es wärdi iezzdänn

sicher definitif gholt

das gsechimer

wämmer d Auge offehebi

de Tühfel mösisich

nümegross ahschtränge

er mösi nurrna winke

dänn chömidali zräne

 

eschanizzowiitergah

esischzuverruckt

 

irgendwänn
häzzmer 
appglöscht     

tue di dräje

tue di dräje

Sulamitt

dräi di dräi di

dasmer dich chönd gseh

dasmer dich gsehnd

das wir dich schawen

mer gsehnd dich ja niä richtig

mer gesehd dich pracktisch nihd

bisch immer verschteckt

chunnsch nu churzz

niä lang gnueg

und mer wettid wüsse

wiä lang mer dich

mösstid gseh

um öis satt z gseh

dräi di dräi di

Sulamitt

mer wüssez nihd

mer wüssez nihd

d Helfti Ziit

isch dah niämärt ume

 

wie sinntoch

diä chlii

au wännsi s Muul gross uhfrissed

und quaked wie Frösch

es isch doch en Sumpf

i demm si schtecked

 

waas
häzziächt gmeint
wosidaas
gseit hätt

 

Onizwiifel

Ligi diä Tändänz

Zum Schlächterwärdä

Sohtüüf idä mänschlichä Natuhr

Dasmer si durrkäs Mittel

Chöni uhfhebä       

De Pruhst

hebi gwüsst

dasssläbe

appsurd isch

aber er hebis

nid wele wahrhah

und hebis wele

verbessere 

mittallercharfft

mittletschterchraft

hebers

wele

verbessere