es gebi Teggschte

diä tögid eim

wiä erschlah

und drumm segis

nid verwunderlich

das niämärt

diä Teggschte läsi

es segid aber

wichtigi Teggschte

und es segi schahd

das sich niämärt

mit ine befassi

mer wüssi nüht

wämmer diä Sache nid

gläse hebi

 

 

diä Augä

lüchtid

über imm

wiänä Sunä

er bruchi

käs anders

Liächt me

er chönnti

im tüüfschte

Tunkel läbä

er hetti

hell gnueg

diä Augä

lüchtid

so fescht

so schtark

diä Augä

segid soh klahr

dasär immer i di

gröhschte Schwirigkeite chömi

wänns uf inn

grichtet segid

es segi imm

we wänn vorimm

e Göttin währ

 

sihätt
simondebowoar gläse
aber ganzzfaltsch verschtande
si mösi liäbe
häzzigmeint
si mösi sich hihgäh
sich de mane underwärfe
ich hamich gwunderet
wedas möglich isch
aber au unnghür gfröit
mer häzz s Gfühl ghah
es segid ali
emm Tüfel abem Chare gheit