es segi schön
im Zuhg

durt Wiibärge zfahre

es schnälls Gleite

und immer gsechimer

ja au en grosse glänzende See   

 

 

ufem Rückwähg
hebis dänn en wüeschte Umfall ggäh

inere Underfüerig

er segi gschtürzt

wiler sini Pedahle

nid richtig feschtgmacht hebi

zum Glück seger de Hinderscht gsih

vonere Föifergruppe

wo vo Magglinge heigfahre isch

imene Höletämpo

wäner vorne gfahre wäri

hettis en fürchterliche Schturz ggäh

ali amene Huufe

und das imene schmale Tunell