hättächtöpper
auscho
es Gedicht gmacht
über Ohreschtäbli
odder über Ohreschtäblischriftschteller
und Ohreschtäblischriftschtellerey
ischärächt
dererscht
wodahsmacht
zumindeschtdererscht
wodahs asimm
füfesibäzgischte Geburtstag macht

 

 

tummerwihs
heber gseit
tummerwihs

d Klimadiskussione
gönd ire uft Närve
das Solarzüg isch doch
en färtige Blödsinn
si chann das Gschwätz nüme ghöre
Windredder, Schparlampe, Zeh-o-zwei,
si chunnt Buchweh über
wännsi das ghört
si vertreit das nihd

 

Alti Frau
Fahrt uf Srilanka
Hätt en Reisefüerer
Enn Kunschthischtoriker
Alti Frau
Isst im Zug
Cha nid warte
Bissi diheim isch
Chas nid verhebä

 

D Rosmarih hätt gseit
mir chönid deht uf de Zältplatz
es hebi deht en Zältplatz

 

er hebi immer sonen Druck uf de Bruscht

nid deht wos Härz segi nid links ehner rächz

däh Druck chömi vomm Schtress wobih är nid rächt wüssi

wohär de Schtress chömi er hebis ja relatihf eifach

es göngi imm besser als villne andere aber es segi

we wänn de Schtress vom Läbe an sihch chiemti

s Läbe an sihch segi öppis woninn fascht jedä Tahg

erschrecki wänähr es Auto gsechi dänn erschrecki är

es gebi vili Sache wo für anderi ganz normahl segid

wo anderi gahr nid bemärkkid aber är bemärkis

i inn dringid diä Sache ih we Nahdle we grohssi

langi Schpiess we Kanonechugle schüssiz durinn dure

är wärdi wo Sache uhfgschpiässt wonär i de Ziitig läsi

zum Bihschpihl übert Frankfurtter Buechmäss über

de Uhftritt vo de Schwiiz dah regi inn grausam uhf

zum Bischpihl au übert Eggsponulleis är hebi gläse

diä Eggsponulleis segi nüht als en Kunschtfurz

är läsi a derä Eggspo gebis Hoschtesse wo gliichziitig

au Seggsarbeiterine segid me weli deht de Seggsarbeiterine

au en Uhsschteligspawilon gäh wo si iri Arbet chönid vohrschtelle

es wärdi Hoschtesse gäh wo gliichziitig Proschtituierti segid

und mer chöni wäneim e Hoschtess gfali öppis abmache mittere

settix Zühg schtressi in furchbahr

är würdi wänähr chönnti

d Eggspo vo Nünnzäviäräsächzg wider uhfboue

oder vilicht sogahr d Landi vo Nünnzähnünedrihssg

es würdi gahr nüht schade

diä Landi namel uhfzschtelle

mer würdi gseh dases doh na normahli Lüht ggäh hebi

d Lüht würded sich warrschinnli schäme

wännsi diä Landi gseh würdid

und es währ e Zuemuetig fürrsi

 es chäm mir niä im Läbe inn Sinn
öpperem so öppis zsäge

 

Tschessigga het gseit
es segi nid luschtig
für si schtimmis nihd
iezz scho widder uf Kanada zgah

 niämärt weisses

 

är hebi damahls

Mänsche ahtroffe

jungi uhfschträbendi Lüht

wo überzühgt gsih segid

si chönid d Gsellschaft

verändere und zwahr

uf e refoluzzionähri Ahrt

es wärdi sihch bald ales ändere

hebezi glauppt es wärdi

viles verschwinde

de Milittährdiänscht und d Familieh

unt Religiohn unt Polizei

dahs hänzzi glauppt

und sehr wichtig tah

willsi dahs im vohruhs

scho gwüsst händ

und scho am organisiärä gsih sind

scho Adrässdateie gfüert händ

mitt Papihr i irne Mappene

sinzzi vo eim Ohrt zum andere

und händ tah we wännsi bald emahl

höchi ämter würdid überchoh

es wührinn interessiärä

wasus all denä wohrde-n-isch

 

iezz wüsser au

wisoh är ali Näme

immer sofort wider vergässi

es segi diä völlige

Bedühtixlohsigkeit

vo denä Lüht

wänimm öpper vohrgschtellt wärdi

so ghörer de Name chuhm

är losi gahr nid rächt zue

und wänner zuelosi

und de Name ghöhri

dänn vergässeren

schpähtischtens

nach drüh Sekkunde