es gebi nüht Truhrigers als d Liäbi

es gebi aber au nüht Schönners als d Liäbi

unzzoh gebis nüht Truhrigers und nüht Schönners

als wänneine zruggblicki nacheme lange Läbe

ufe ales woner erreicht und nid erreicht hätt

es gebi settig wo überhauppt nüht erreicht hebid

es gebi settig dene ales ufe schlimmi Ahrt misslunge segi

und es gebi settig wones Bizzeli Glück ghah hebid

aber diä segid ehner sällte ähr glaubi dass di meischte

vode Liäbi gahr nid erreicht erreicht worde segid

und gahrnid wüssid vowahs er redi

es währi schöhn wänns na öppis Schönners gähpti

aber es gebi nüht Schönners d Wält segi soh ihgrichtet

unzzoh mösimer dahs wasmer hebi als s Schönnschte ahluege

wasimm ja schliessli aunid schwährfali es segi schöhn

imm schihnis

schöhn

au de Taoismus

hälffi nihd

nurr sih hälffi

nurr sih

was t Filosofe sägid

segi ales tumms Zühg

ales ohni Bedühtig

nur wass sih sägi

segi wichtig

si seli immer

öppis säge

Nothing

compares

2

U

es schpili

weggseit

keirole

waside Gedicht schtöchi

wichtig segi

dasöppis gmacht wärdi

dasöppis laufi

dasöppis ahghühft wärdi

dasöppis chöni zellt wärde

dreihunndert

vierhunndert

und ales Liäbesgedicht chönntid sih

föifhunndert

sibähundert

wichtig segi

dases mässbahr segi

am beschte Tahg für Tahg

und nid nur we bi imm Monet für Monet

Werum

tänkedmir
zaledmir
flügedmir

Werum

simmir

tömmir

chömmir

gömmir

mömmir

lömmir

är heb so e Tecki gha

mit Holzbalke und

uf dene Balke heber

Innschriffte ahprahcht

Ich begriife nihd

heber gschribe

zum Bihschpihl oder

Ich verschtah nüht

uf griechisch

daser vo chlii uhf

glehrt hätt er isch

i sine erschte Jahre

nur latinisch und griechisch

erzoge worde und hätt

s Französisch erscht

spähter käneglehrt

essigi verruckt

aber mer mösi

mittemm läbe

öbsichächt

de Tüüfel

verschwore hätt

gägenöis

öberöisächt

imm Chreis umefüeri

öbsiächt

es Tohtefäscht begöngid

er käni niämärt
und er weli au niämart käne 

Schwär vo Begriff

Dahs segi au e Wändig gsih

Wo sini Mueter hüüfig prucht hebi

Schwär vo Begriff

Vili segid nach irer Meinig

Schwär vo Begriff gsih

Und mängmahl hebi si au gmeint

Mir meinid sih segi

Schwär vo Begriff

är ghöri bi all demm

immer nur eis Wohrt

und dahs segi nidemahl

sihn Fähler es segi soh

es wärdi würklich

immer nur eis Wohrt gseit

immer s gliich Wohrt

es segi we inere Gebättsmüli

es segi we Dadaismus

mer ghöri de ganz Tahg

immer nur eis Wohrt

es segi we wänn ali

nurrna eis Wohrt wüsstid

und dahs eine Wohrt

immer würdid widerhole

und erschtna voller Schtolz

es isch we wänimm

öppis gseit worde wär

är hätt sich ganz veränderet

är isch gahr nid wider zerchäne

so schtill und korräckt sitzter dah

de Brähvscht und de Muschtergültigscht

aber voreme Jahr

da hämmer öis doch gfräget

öber na bi Verschtand isch

voreme Jahr da hätter sich benoh

wenän Wansinnige da hätter sich doch

völlig vergässe ghah piinlich isches gsih

und i de Auge vo villne skandalöhs

es hätt niämärt öppis gseit natürrli nihd

aber hinder de Kulisse

isch offebahr öppis gloffe

vilicht hättmer sini Frau informiert

oder sini Vohrgsetzte

wenähr doch tumm seg

wasähr doch scho ales gmacht heb

wonähr doch scho überahl gsih seg

wienähr doch scho ales probiärt heb

ohni

dases öppis prahcht heb

ohni

Resulltaht

und wenähr immerna glaubi

dasesemahl öppis bringe wärdi

är tögi na voll fürt Zuekunfft schaffe

au wäner iezz dänn bald drejefüffzgi seg

seg ales für e schpähteri Ziht

wosi zäh Jahr gäh chönnt oder zwänzg

ähr wetti ja gärn uhfgäh aber er chöni nihd

und soh macher wihter

so lächerlichs au seg

chaschder
vohrstellä
wasdiäiezz
schwäzzäd

öbimächt
stohdesurrteil
uhsghändiget wärdi
odder öbsidahs
bliibälösid 

ghörederöis
jahmerghöredöi  

Tagig isch uhsbuecht

gesehni grad dah

seli grad frähge

obmer überhaupt selid choh

Meinschnid

dasmir

garnid

zämepassed   

la

la

la

öber ächt zahrt gnueg segi

zrugghaltend gnueg

oder öber zfräch segi

zblöhd zuhfdringlich

er göng sofort wägg

wänn ire öppis nid gfali

aber ire gfali glaub viles

ire erschihni ales guet

sogahr ähr erschihni guet

si hebi sone Heitterkeit

si segi glaub en Bodhisattva

wo ales Finschtere verwandli

en andere

chunnt gwöndli

nur ganz churz

nur für e Viertelschtund

als Gnahdeerwiis

hütt hätter es sidigs Hämp

und wider zweifarbigi Schue

wämmer nume wüsstid

was däh macht

vilicht isches enahrt en chliine Gott

en Inkarnazziohn vomene Budda

Buddas inkarnieredzich

zwar meischtens i unuhffelligi Erschiinige

i Landschtricher und eifachi Lüht

aber vilicht erschihnez

au mängmahl i sonere Form

als Unnberüerbari

wo niämärt weiss wisoh si dah sind

und wohär si chömed

de Begriff

vo de Zimmerluhtschtärchi

segi verlohre ggange

dahs hebi är sihch scho

vor öppe zäh Jahr

nottiert

är

wär

gschider

nid

ggange

är hebi iezz nur

en schlächte Ihdruck überchoh

är hebi zwar scho vorhär ales gwüsst

und scho vorhär en schlächte Ihdruck ghah

aber iezz segi dä Ihdruck

na schlächter worde

iezz chöner eigettli

gar nüme schlächter wärde

är

wär

vilicht

gschihder

garnid uf d Wält choh

er häzz eifach

jah

er häzz vill eifacher

jah

er häzz am eifachschte

jah

er mues eigettli

fascht nüht me mache

er luegt eifach nuna zue

oder luegt nidemahl me zue

sondern gaht go Museeä ahluege

und verzellt vo flähmischer Malerei

verzellt vom Bröichel und vom Rubens

enandere hebi immer

i däh chlih Block gschribe

wosi überchoh hebid

inen elegantte Block

wo für normahli Notizze

gar nid so geignet gsi segi

ehner für Gedicht aber

er glaubi nihd dass däh

Gedicht gschribe hebi

er hebi vill z dumm uhsgseh

vilicht tömmihr

vilicht gömmihr

vilicht simmihr

vilicht wämmihr

vilicht hämmihr

vilicht mömmihr

vilicht chömmihr

vilicht wettedmir

vilicht söttedmihr

vilicht wüssedmihr

vilicht tänkedmihr

mer töndnihd

mer göndnihd

mer sindnihd

mer wändnihd

mer händnihd

mer möndnihd

mer chöndnihd

mer wettednihd

mer söttednihd

mer tänkednihd

mer wüssednihd

vilicht tömmernihd

vilicht gömmernihd

vilicht simmernihd

vilicht wämmernihd

vilicht hämmernihd

vilicht mömmernihd

vilicht chömmernihd

vilicht wettedmernihd

vilicht söttedmernihd

vilicht tänkedmernihd

vilicht wüssedmernihd

es hebi eine ggäh

däh hebi di ganz Ziit

imene Buech gläse

en Mexikahner segis gsih

emahl hätter s Buech

wäggleit und echli gschlahfe

unddam zweite Tahg

ischer gahr nüme choh

s Buech dahs heber gseh

segi es seer es

wüsseschafttlichs Buech gsi

PSICOANALISA heber gseh

segi imm Tittel vorchoh

füren Polittiker

segi doch all dahs

vo gringem Inträsse

was hebi dahs dänn

fürinn scho füre Bedühtig

är glaubi

dassidah

intellektuell

de andere Schwiizer

underläge segid

aber da tüscher sich vilicht

vilicht segi ganz allgemein

s Niwo gsunke

es segid ali am verblöde

dassegi sunneklar

öppsächt mittem Fihnschtaub zämehangi

er hebi gläse dass de Fihnschtaub

di geischtige Leischtige reduziäri

einä

hebi uhsgseh

we dä Ärnscht Jünger

dahs hebin

bis zumene gwüsse Grahd

tröschtet

undinn widder uhfgrichtet

aber bitte

was welimer dänn

es segi ales guet

soh wessegi

mer selis sohlah

wessegi mer bruchi

doch kei Kunscht meh

grossi Kunscht hebi

immer öppis Gfährlichs

grossi Kunscht hebi

öppis Zerschtöhrerisches

mer bruchid hütt gwüss

kei Katthedrahle me

und kei Schtahtue vom

Erzängel Michael und

kei Glasfeischter mit

Schtifterfiguhre und

Ohpere und Ornamänt

und Guttsche und Altähr

und kei Schlösser

und ticki Romähn

dah mösi mer sich nid wundere

wänns Bombardemänt gebi

und periohdisch ales

zsämetätscht wärdi

es hebi i all demm

zvill Sinn gha zvill

Energih zvill Religiohn

zvill ärnscht und Iifer

und immer a alem Bluet

und soh segi är froh

wänn hütt wänn öppis pout wärdi

en Blöhdsinn pout wärdi

wänn hütt ales lähr segi

und für ali wos gsechid

enttüschend und entchräftend

wämer weli wüsse

was i denä Geböide lohs isch

so mösimer nuremahl

diä Sache ahluege

wo i denä Geböid

als Kunscht uhfgschtellt sind

soh we dahs

wo uhfgschtellt isch

nid Kunscht isch

soh isch dahs

wo gmacht wirt

nüht rächz

wisoh chunnt dahs

das ali immer glaubed

är segi än Idiott

es segi dahs nämmli

es allgemeins Fänomehn

är schtelli dahs

immer wider fescht

es gebi immer meh Mänsche

wo glaubid di andere

segid Idiotte är sälber

glaubi dahs ja au

är glaubi das

ali Idiotte segid

und är findi sich so

au demitt app

das ali glaubid

är segi en Idiott

aber wiso das chömi

frägi är sich

und öb dahs nöi seg

oder öb dahs scho immer

soh gsi seg

wänns nöi wär

dänn wärs ja

geradezue beunruhigend

aber es isch warrschinnli

nid nöi sondern uralt

Empfang doch

wänn mis Läbe verbih isch

mini verzeerendi Liäbi

usem Rauch

wo vomimm brännende Liib uhfschtigt

es gebi

zwüschet de Mänsche

mängmahl ganz

unheimlichi und

fanttastischi Beziehige

diä Beziehige gsechimer

normahlerwihs nihd

d Mänsche märkiz nihd

dassi verbunde sind

uf Läbe und Tohd

und bis in Wansinn

dahs chömi us de Vohrgschicht

deht segis na vill meh

um Läbe oder Tohd ggange

und wänn zwei zsämechoh segid

segis psunders gfürchig gsih

und unnheimlich wichtig

dahs segid grossi Momännt gsih

dah segi plahnet worde und uhsgheckt

dah hebi mer de Ummschturz vohrbereitet

und Tröi proche und anderi verrahte

zitteret hebi mer und Angscht hebi mer ghah

und all dahs läbi hüt na nah

är schpühri dahs na ganz genau

är märki das ales verschwinde chönnti

und undergah es segi veruckt

är hebi gseit

es segi beihdruckend

es segi aber nattürli

überhauppt nid beihdruckend

es segi en zimmliche Blöhdsinn

allerdings en unproblemahtische

är weli nüht degäge säge

mer tärfti nüht degäge säge dänn

diä Ahrt vo Blödsinn segi unschädlich

und me mösi ales wo unschädlich segi

begrüesse und sogahr fördere

das schtabilisieri

är förderi ja dä Blöhdsinn

är nemi teil und machi mit und hälfi

und sägi

es segi

beihdruckend

und sinzzi iez gheilt

nei ich bi nid gheilt

ischinechaltt

jahseerchaltt

früener

heber seer sälte

vo ire tröimt

aber wäner

tröimt hebi

so segiz

üsserscht iidrücklichi

Tröim gsih

Tröim wonär

nid vergässe hebi

und nieh vergässe wärdi

Woner hütt

am Ändi vo de Schtrass

adem schöne alte Huus

vorbih cho segi,

woner immer verbih chömi

sitt zwänzg Jahr

und naniä jemahls öpper gseh hebi

und sich immer gwunderet hebi

wär ächt dadrin woni

Heber hütt ghört

weneinä grüeft hebi

Himelhärrgottschtärne nanemal

komisch segis

dasär i de letschte Ziit

fascht jedi Nacht vo ire tröimt hebi

und zwar immer schöhni sanfti schtilli Tröim

grad i de letschte Nacht

hebi är guetmüetig wenär segi

a irgendere Therapiih oder

a irgendeme schreckliche Seminahr teilgnoh

wo vo alem Ahfang ah feschtgschtande isch

dases völlig sinnlohs isch nur Ziitverschwändig

nüht anders und är hebi sich gwunderet

dass au sih teilgnoh hebi freiwilig

für sih wärs nid obligattohrisch gsih

aber soh segi si bi alem debih gsih

und hebi ales mittgmacht s Tümmscht

und s Langwiiligscht und de gröhscht Blöhdsinn

undär hebi bi all demm de Ihdruck gha

dass si wägenim dah isch und nurr wägenimm

dahs ales mittmacht nuruminn z gseh

und nurummittimm im gliiche Kreis z sitze

und dahs segi sones wunderbahrs Gfühl gsih

dases imm gliich gsih wär

wänn das Seminahr ewig duuret hetti  

komisch segis

das mir

Vohrstelige entwickled

vo höchere Wesä

und komisch segis

das mir au

Mänsche verehred

als höcheri Wesä

als ängel

was bedühtet dahs

was heisst dahs

was hätt dahs für en

evoluzzionäre Sinn

es dient sicher

de Forttpflanzig

und em sozziahle Zämehaltt

susch gähptis dahs nihd

aber werum

sind diä Gfühl

bi de eintte so schtarch

und bi andere so schwach

weles isch d Verteiligskurve

und werum gitts diä Kurve

mer mösi misstrouisch sih
immer und überall

öbsi ächt
nipfascht
echli es problehm gsih segi
diä Beziäjig

Überziit

sisch ales
Überziit 

shett chöne schnäller gah

wämmer hetti wele

wämmer echli uhfmärksammer gsih wär

aber mer hätten ja scho lang uhfgäh

mer hetti chöne

vor öppe achttuhsig Jahr uhfhöre

wo si mitte Keilschrift cho sind

und mitte Hiärogliife

deht häzz doch allne appglöscht

mer hätt plözzli ghört

wesim Himel grett händ

i hundert Jahr isches fertig

i hundert Jahr ischer wägg

i hundert Jahr simmeren los

ufeme Bänkli segi eini gsässe

und segi ganz wüetig gsi

hau ab
häzzi zumene Tunkelhütige gseit

wo näbetire ghocket isch

ganz verdatteret

hau ab
du chunsch sowiso wider is Gfängnis
aber ich

ich bruuche Sex

verschtahsch 

är segi au

en Idiott

wilär dichti

obwohl är wüssi

dasmer a siini

Gheimnis nid

mit Worte anechunnt

au mittem schönschte

Gedicht chönimer

nur beschtefalls

en Hiiwiis gäh

und zwar meischtens

en unngnaue und

irrefüerende

sini Gedicht füerid

ali uf Abwäge

sini Gedicht chömid

imm nach e paar Tahg

tumm vor tumm

und ganz fahd

är segi en Idiott

aber eine wo sich

mös verschtellä

und soh tue

we wänär normahl wäri

dahs machi imm Müeh

dahs tögi imm weh

dahs segi

e veruckti Kwahl

är wär gärn

en normahle

guete schöne Idiott

är chönnti au

we de Idiott

ali ine grossi

Unrue versezze

wänär wetti

aber är nemi

sihch zäme

är wüssi

das niämärtäm

tient segi

mit Unnrue

är hebi zwar

gärn Unnrue

aber är gsechi ih

das iezz

e gwüssi Rueh

s Wichtigscht segi

är segi en

Mänschefründ

är wärdi erprässt

und chöni siich

niid wehre

si wärdid inn

ummbringe

wäner nid zali

und so zali är ebä

aber lang

chöner nüme zale

wobii dahs nid

wiiter schlimm segi

är läbi ja

au nüme lang

es segi iez

dänn sicher

bald färtig

und dänn nemis inn wunder

wes wiiter göngi

was si machid

wänn nüht me chömm