emahl
häzzi imm

es Heftli pracht

wosi anere italienische Autobahnraschtstätte

äxtra für inn kauft hätt
es schrecklichs Heftli

mit unghür primitive Täggschte

und grässliche Zeichnige

aber grad das Primitive

häzzi guet gfunde

und diä grusige Wohrt

häzzi luht vohrgläse

das hättinn erregt

das und au de Gedanke

dassi gärn so primitiv tänkt

und gärn so primitiv isch

und au so liäpt
uf demm tüüfe Nivoh

e richtigi Liäbi

hätter tänkt

isch woll gnau gnoh

immer ganz primitiv