sinnzzi ächt verliäpt

odder wettezzi verliäpt sii  

Teuflisches kleines Büchlein
es sieht nach nichts aus
hat aber seine Wirkungen.
Sein Verfasser kommt weit damit
hat überall Zugang
zu allen Gesellschaften
auch zu den obskursten
und gerade zu den obskursten
will er Zugang.                        

 

Jemanden sehen, mit jemandem sein,
drei Tage lang, vier Wochen, sieben Wochen.
Wir aber sind der Sekunden- und Minutenkünstler,
der Kaffeepausen-, der Mittagspausen-Künstler!
Ist das etwas?
Oder ist das nichts?

 Husch husch
schöne Idee
Gekläff  

 

 wännsi Gott wäri

würdi si allne Mänsche vergäh

und sofort ales Lihde beände  

er hebi wideremal

nid chöne schlahfe

und sich zwei schtund

hin und här gwälzzt

schliessli heber s Liecht ahzüntt

und welle öppis läse

nach sine Erfahrige

würki dahs mängmahl

aber wahs welli mer

au läse so am morgenam drüh

dah gebis nid vill

dah gebis eigettli nüht

womer würkli chöni läse

und soh heber zimmli verzwiiflet

eine vo de Göhtebänd

vomm Büechergschtell gnoh

oni vill Hoffnig

die Göthebänd tögid nämmli

s Unglück nur vertüüffe

ganz bsunders

die vo de Göhtespezzalischte

verfasste Nachwohrt regid inn uf

aber dasmahl hebis doch

zimmli guet gwürktt

er hebi de zweitte Band gnoh

däh mit de Gedicht usem Nachlass

und inn uufgschlage und gläse

dasmer sich mösi weehre

dasmer allem zum Trozz

sich erhaltte seli

allne zum Trozz

niä sich bucke

tue wenen Sahtann

dahs hälfi

chrefftig sich zeige

uuhfträtte

dahs würki

Gägestühr gäh

dahs hälfi

dahs rüefi

gueti Geischter

herbiih

 

uff Frannzösisch

ischesau nid gangä

Scherrih häzzi gseit

Scherrih chönntimer sägä

abber das isch nizz glich

hätter gseit

Scherrih isch obberflächlich

Schätzli isch tuusigmahl besser

Schätzli isch tühfgründig

 

imm Oberschtübli
hätt imm immer
öppis gfählt

schtiiged uhs
ummgozzwile
schtiigeduhs

 

leidergottes
hätter grüeft
leidergottes

är käni dahs
är weli dahs nüme ghöre
är weli dahs nüme läse
är weli sich dahs nüme ahtue

 

es segi en fuule Zauber

aber si märkiz nihd

si hockid dah und redid

und schtossid ah und trinkid

und tänkid es segi ales inornig

und es wärdi ales besser

wännses wenigschtens echlih

würdid gschpühre wännsene

doch wenigschtens echli chaltt

würdi de Rugge app lauffe

dänn währs liächter z verträhge

dänn währs echli en

chlinnere Horohr 

sischösawässa

 

 schtell du dir vor
es häzz niemert gmärkt
es häzz würkli niemert gmärkt
das isch so sehr schpeziell    

schtell dir vor
du wärisch Italiener
schtell dir vor
du wärisch Franzos
schtell dir vor
du wärisch Tüütsche    

waser ales nid hebi chöne dahs mösster emahl gnau undersueche

er göngi immer devoh uhs daser vill hebi chöne aber dahs segi

doch vilicht Ihbildig

singe heber zum Bischpihl nid chöne und scho gahr nid zweischtimmig

er hebi nid nu nid chöne singe er hebi au nid gärn gsunge und singi

na iezz nid gärn

es Musickinnschtumännt heber au nid chöne schpile im Gägesatz zu

gwüsse Kamerahde zum Wallter wo Gihge gschpilt hätt und zum Jürg

wo Klavier und erschtna

Kwährflöhte gschpillt hätt diä mitt de Innschtrumänt segid imm

immer als echli höcheri Mänsche vorchoh und segid au gschihder

gsih als di andere

hebid ganz mühelohs immer gueti Nohte ghah und hebid i de Mittagspause

güept i de Aula hänz tärfe s Klavier benuzze und er hebi tärfe zuelose

ganz wunderbahr segis gsih

ganz unnerchlährlich Tscheikoffski am liäbschte hetter aber

Tschähs gschpilt am liäbschte hetter es Tschähsinschtrumänt

glehrt Posuhne

oder Trompehte oder Bännscho weniger villicht Schlaggzühg und au nid

Klarinette Posuhne oder Bännscho dahs hetter wele schpile Posuhne we

de Pappa Buh mit sinere

Viking Jazz Band us Koppehage de Pappa Buh gebis übrigens immer na

er heben chürzzli gseh im Tivoli er hebi zimmli Müeh ghah und segi

immer nurr churzz

uff de Bühne gschtande en allte Mah aber vor vierzgg Jahr seger

jung gsih und chrefftig und hebi gwaltigi Posuhnesohli gschpilt

oder dänn Bänscho

schtill und zfride imm Hindergrund schtah und ales trähge dahs hetti

imm gfale deht hetter sich gseh und turne heber grad au nid chöne es

hebi doch a vilem gfählt

am Reck praktisch nüht nur echli hange und schwinge und loslah

kei Risefelge wes di andere händ chöne ohni dasmer gwüsst hätt

woses glehrt händ

au kän überschlahg und känn Handschtannd nidemahl en Handschtannd

heber chöne nur im Räne seger guet gsih dahs segi ebä eifach gsih

deht heber träniert

wenen Veruckte uff de Mittelschtrecke seger klahr de Bescht gsih

deht heber kei Gegner ghah ali diä Kwährflöhteschpiler undandere

Helde heber mängmahl

fascht überrundet und soh heber doch e Schtärki ghah und hebi

über dere Schtärki viles andere chöne liächter näh oder gradd

vergässe soh segis gsih

 si hätt imm gwunke
er hetti chöne zuenere ufe sizze
ufe i di oberi Ligischtell 
chomm häzzi gseit
nei hätt er gseit
sis Läbe hetti ganz enanderi Wändig gno
e Wändig woner nid hätt wele  

ei wanna bii

jur bäckdoormän

Unddänn isches plözzli

Viärzg Grahd gsih

Undeinä ischam Bodä glägä

Undhätt müesä beatmet wärdä

 

Niämert wüssi
was für verrucktz Züüg
imm scho Fraue gseit hebid
s Verrücktischt   

Für sonän fantastischä Blödsinn

Zali är Schtürä

Obächt dahs emahl scho einä

Imänä Gedicht gseit hätt

si hätt inn in hinderhof gfüert
schwär betrunke
und imm gwunke
er seli ufe cho
i iri Wonig

 

 

Brombacherstrasse
das war der letzte Tag
heute flieg ich nach Spanien
drei Kinder
ja wirklich
der letzte Tag

 

 

okay okay
maram karan
was passiert
isi blok hallo
samsim ocamu
te te
voram ilkibotu
tschüss

vi ai nego negalmen

werum bistu iezz angepisst

kole konsequent boa

sorri ich schwör

bonito nitoch schtopp

ales da

fick dich

famci secana ompi umana

zeig du zerscht