si trinki
en wunderbare Thee

Isechruut

häzzi gseit

Zitrohnethümian

und Kalendulablüete    

 

 

de dilen
hebi für si ali gläbt
de dilen
hebi zäh Fraue ghah

 

 

de Pruhsst segi nohtwändigerwihs
au en gwalttige Glückstheorehticker

er wüssi dasd Verheissige vomene Glück

schönner segid als s Glück sälber

s Glück sälber gebis ja ggnauggnoh gahr nid
de Pruhsst übertriibi

de Pruhsst segi en seehr en schpezielle Fall

innteressannt führ Lüht

wo Ziiht hebid fürr settix Zühg

möglicherwiihs hochinnteressannt

aber au völlig wärttlohs

fürrs pracktische Läbe

appsoluht unnbruchbahr

mer chöni froh sih

dasmernidsosegi wede Pruhsst

und settigi Gedancke und Gfühl hebi

weissmer
ächtscho
wasgenau     

 

 

waser immgrundgnoh suechi
segi Wüsse segi Wihsheit

und daser glaube mösi

idemm Lache oder idene schöhne Auge

oder bidemm Salaht und bidemm Glahs Wih

Antwohrte zfinde uff di gheimschte Frahge

segi gwüss eini vo de grausamschte Betrügereie

vo de grosse Betrühgeri Natuhr   

er hebis Gfühl
daser auscho soh

uf Wiibli obeghocket segi

wiä iezzt de Tschoffri uff de Minna

soh oni ales Bewusstsih soh wenen Automaht

und soh überhaupptnid glücklich   

fürrnüht
iderwält
würerdas
gähwaser
iezzhebi       

 

 

zu siner Ziit
hebis Künschtler ggäh
rächt vili
diä hebid mit Vorliäbi
brünzlendi Lüht zeigt
brünzlendi Fraue
brünzlendi Mane
oder wänns ires grosse Thema
echli händ wele wariiere
hänz eifach öppis mit Urin gmacht
hänz Gägeschtänd i Urin itaucht
zum Bischpihl es Kruzifix