Am zähte Oktober nünzähundertachzä
isch d Leinschter i de Bucht vo Däblin
vom dütsche Uboot U-Bee hundertdreiezwänzg
dur zwei Torpedos versänkt worde.
Vo de sibähunderteinesibezg Passaschier
und Bsatzigsmitglider sind
föifhundert gschtorbe.

 

Passed uhf!
Passed uhf!

wo der Golowiin no
wo der Mani Matter no
wo de Schtirnimaa no
wo de Eichebärger no

wo de Vollmer no
wo de Eich no
wo de Eggimaa no
wo de Nidegger no

wo de Niffeler no
wo de Szehmaa no
wo de Schneiter no
wo de Schtickelbärger no

 

 

dases das alles gitt
dases nid meh gitt
dases nid weniger gitt
das isch ja sowiit guet

di beschti Platte

wo jeh produzziärt wordä segi

segi Exihl onn Mejnschtriit

deht gebis Töhn drufobe

wonär nid chönn begrihffe

es segi es Wunnder

dasmer si hebi chöne mache

es wärdi ganz usserordetlich schöhn gsunge

aber s Schtärkschte und Gröhschte

tunkid inn nur einzelni Töhn

es gebi hih und dah

ganz näbetbih en Gitaretohn

wene Bihgahb chömm är in allgemeine Klang ine

wenen chliine Kommentahr wenes Lohb

vo eim wo näbetusse schtaht

es segi warrschinnli de Ronn Wuud

es segi d Bassgitarre wo so fiin inetöhnt

so schtill und herrlich

und ales ihsöift und zum gleite bringt

ales fahrt ales zieht und schtröhmt

wenen Schtärnehimmel segis so klahr

und schtarch und fescht

wenen Fluss chömms dethär

s zwänzigscht Jahrhundert

segi es grohsses Jahrhundert

wasst Nattuhrwüsseschafffte beträffi

unnt Biologih unnt Anntropologih

so läser iezz nüme vill

de Fall segi klahr  

mer gsechi ufwahs es uselauffi

Im Burgerschpitahl

Was isch jezz ächt
deht lohs
was isch ächt dahs
widder füre Gruppe
de Tüfel weiss es
aber d Vögel
zwitschered
ide Linde
setterächt
meh dahäre gah

 

er hätt gärn unnghüri Verbräche beschribe

er hätt gärn unnghüri Frächheite beschribe

er hätt gärn unnghüri Boshaftigkeite beschribe

er hätt gärn unnghüri Uhfregige beschribe

er hätt gärn unnghüri Schwächene beschribe

er hätt gärn unnghüri Verirrige beschribe

er hätt gärn unnghüri Tummheite beschribe

er hätt gärn unnghüri Tüfeleje beschribe

 

nid guet
nid guet
hätterxeit

 

es gitt käne
wo dah nid verdächtig isch

werum mues sich iezz däh

im Zug so umschtändlich umzieh

fascht e Halbschtund hätter prucht

vo Bärn bis Friburg

Pulower, Hämper, Socke

aber färtig

ischer dänn na lang nid gsi

es isch wiiter gange

mit Uhspacke und Ihpacke

vo Friburg uf Losann

er hätt en Rucksack gah

und en Koffer

und zwei grossi Ihchaufstäsche

ich has vertreit

vertreit au

dases komisch gschmöckt hätt

ich han möglichscht nid häreglueget

onä

onä

onä sürpri

dantandre ssa

onä

onä

 

 

sisch eini as Feischter choh
und hätt gfluechet we wahnsinnig

hätt grüeft er machi ja ales kabutt

mer hätt aber nid vill chöne kabutt mache

es isch en verwahrloste grusige Garte gsih

wo dänn auna en wilde Kärli erschine isch

und ebefalls gfluechet und droht hätt

hätter dänn doch Schiss überchoh

er hätt sich entschuldiget

und isch schnäll wieder wäggloffe

obwol er hetti chöne säge

dasmer i demm Garte nid vill chöni kabuttmache,

und dases für das ufgregti Wiib

am beschte wär

wännsi so richtig

is Füdli gschtosse würdi

simmer scho da
nei
mer sind nanig da

es erschts Torpedo
händ Passaschier gseh
wes ufs Schiff zuechoh isch
es hätt aber d Leinschter verfählt
und isch am Bug vorbigschosse.

 

 s Uboot isch underem Kommando
vom sibenezwänzgjärige
Oberlütnant zur See Robert Ramm gschtande
wo uf sinere zweite Findfahrt gsi isch.    

uf jappahnisch

chöni mer nid säge

Ich liebe Dich

wämer dahs weli säge

mösi mer säge

watashi wa anata ga suki desu

unttahs bedühti

was mihch betrifft

so findi di begehrenswürdig

begehrenswürdig

nid öppe begehrenswärtt

was begehrenswürdig genau heissi

dahs segi imm nizzo klahr

dahs chöni viles heisse

uf schwiizertütsch

chönimer übrigens

Ich liebe Dich

au nid säge

mer mösi au irgendöppis anders säge

är chönnti nid säge wahs

 

 

Gueti Mänsche
hätter gseit
gueti Mänsche
aberine
ischnizzhälffe

so göngis imm au
mitt ire
aber nurrna
vill schlimmer  

 

Germahnt
er hebi schöni Näme erfunde

Germahnt

und Wiwonn

und Swann

und Gommbrai

und Schillbärt    

 

es segi guet
dases Jutuub gebi

und deht

de Kefn Kinni

wo dis taun singi  

 

es segi guet
dass diä iezz ali gschtorbe segid

so möser kei Angscht me hah

dass si sich chönid a inn erinnere

und vo imm verzele 

 

iezz
wärdisdänn
widderchüeler     

o was isch us öi worde
wo sinder iezz

läbeder na
sinder chrank

verrunzlet und verblüet

warteder scholang nüme ide Gäng

händer käs Zimmer me

tänkeder nüme a öis                

 

er mösi under anderi Lüht choh,
under Normahli

vilicht gebis diä irgendwo

verschteckt inere appglägne Gegend

vilicht im Bolivieh oder Thüringe

sicher nid ide Schwiiz

öb im ächt öpper en Tipp gäh chönnti

odder wänns nid anderscht gaht

dänn gönger zu de Obdachlose

zu de Alkoholiker und Gschtörte

zu de richtig Gschtörte

und wägg vo dene wo glaubid

uf de Höchi z sih

vilicht mösster uf Kolumbie

detthi wo däh gläppt hätt mitt sine zweituusignünhundertachtedachzg Afforisme

odder it Wüeschti vo Arizona

odder uf Florida

wo si sich einmal i de Wuche träffed

verusse

im OZOI Parking Lott

alti Lüht

wo alti Liäder schpiled

und schön derzu singed

Bluugrass

ganz wunderbar

und e paar wenigi Lüht sitzes uff Gämpingschtüel

wosi mittgnoh händ und zuelosed

ganz zfride und ruig

mittem Läbe hänzz appgeschlosse

au mit Amerika

aber Bluugrass losiz na gärn

Bluugrass

segi vilicht di schönscht Musik

wos gebi